Ху җинтав вашингтонда өткүзүлидиған йәр шари ядро бихәтәрлик йиғиниға қатнишиду

Хитай һөкүмити хитай дөләт рәиси ху җинтавниң бу айниң 12 - вә 13 ‏- күнлири америка пайтәхти вашингтонда өткүзүлидиған йәр шари ядро бихәтәрлик йиғиниға қатнишидиғанлиқини елан қилди. Лекин хитай ташқи ишлар министирлиқи баянатчиси чин гаң ху җинтавниң вашингтондики икки күнлүк йиғин мәзгилидә президент обама билән айрим учришидиған яки учрашмайдиғанлиқини тилға алмиған.
Мухбиримиз әркин
2010-04-02
Елхәт
Пикир
Share
Принт

Бирләшмә ахбарат агентлиқиниң әскәртишичә, америка -хитай мунасивитидә йеқиндин бери америкиниң тәйвәнгә қорал - ярақ сетип бериш қарари, президент обаманиң далай ламани ақсарайда күтүвелиши вә икки дөләт арисидики сода һәм пул - муамилигә мунасивәтлик мәсилиләрдә туғулған ихтилаплар сәвәбидин җиддийчилик пәйда болған иди.

Ақсарайниң ашкарилишичә, президент обама пәйшәнбә күни ху җинтав билән телефонда сөзлишип, америка билән хитай "иранниң хәлқара мәҗбурийитини ада қилишиға капаләтлик қилиш үчүн һәмкарлишишниң муһимлиқи"ни тәкитлигән. Хитай америкиниң иранға имбаргони күчәйтиш тоғрисидики пиланиға изчил қарши чиқип кәлгән иди.

Хитайниң бу мәсилидики позитсийиси алдинқи күни бир аз юмшап, имбарго тоғрисидики музакиригә қатнишидиғанлиқини җакарлиған. Америка болса хитай тәрәпниң бу қарарини қарши алидиғанлиқини билдүргән иди.

Пикирләр (0)
Share
Толуқ бәт