مەردانە كونسېرۋاتىپ تارو ئاسو ياپونىيە باش مىنىستىرى بولدى

ياپونىيىدە بۈگۈن ئۇزۇندىن بۇيان ئوچۇق - يورۇق، مەردانە سۆزلەپ كېلىۋاتقان، پۈتۈن يەر شارىدا تېررورچىلىققا قارشى داۋاملىق كۆرەش قىلىدىغان كونسېرۋاتىپلاردىن تارو ئاسو دۆلەتنىڭ باش مىنىستىرلىق ۋەزىپىسىنى ئۈستىگە ئالدى.
ﻣﯘﺧﺒﯩﺮﯨﻤﯩﺰ ﯞﻩﻟﻰ
2008.09.24

بىرلەشمە ئاگېنتلىقىنىڭ توكيودىن بايان قىلىشىچە، تارو ئاسو ۋەزىپە تاپشۇرۇۋالغاندا 'بىز ئىقتىسادى مەسىلىگە، بولۇپمۇ ئۇششاق ۋە ئوتتۇراھال تىجارەتلەرگە ئالاھىدە كۆڭۈل بۆلۈپلا قالماي، بەلكى خەلقئارا جەمئىيەتنىڭ ئەزاسى سۈپىتىمىز بىلەن ئافغانىستاندا ياكى پاكىستاندىلا ئەمەس، بەلكى پۈتۈن يەر شارىدىكى تېررورچىلىققا قارشى كۆرەش قىلىمىز' دېگەن.

فرانسىيە ئاگېنتلىقىنىڭ بايان قىلىشىچە، تارو ئاسو ياپونىيىنىڭ باش مىنىستىرلىقىنى ئۈستىگە ئالغاندىن كېيىن، داڭلىق ئوڭچىلاردىن تاكېئو كاۋامۇرانى كابىنېت سېكرىتارلىقىغا، خىتايغا قارشى شىددەت بىلەن تەنقىد ياغدۇرۇپ كېلىۋاتقان مەشھۇر بانكىچى شويچى ناكاگاۋانى مالىيە مىنىستىرلىقىغا، ئىراققا ئەسكەر ئەۋەتكەن ياپونىيىنىڭ ئىككىنچى نومۇرلۇق دۆلەت مۇداپىئە ئەمەلدارى ياسۇكازۇ خامادانى مۇداپىئە مىنىستىرلىقىغا، كابىنىتتا ئىشلەپ كېلىۋاتقان ئىككى ئايالنىڭ ئىچىدىن ئاياللار ۋە بالىلار ئىشلىرىغا ئەڭ كۆپ كۆڭۈل بۆلىدىغان 34 ياشلىق يۇكۇ ئوبۇچىنى دۆلەت ئىشلىرى مىنىستىرلىقىغا تەيىنلىگەنلىكىنى جاكارلىغان.
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.