Xotende yulun yallughi bilen yuqumlan'ghanlarning sani on'gha yetti

Dunya sehiye teshkilati xadimliri nöwette xotende yulun yallughi wirusi bilen yuqumlan'ghanlarning sanining 10 gha yetkenlikini bildürgen.
Muxbirimiz irade
2011-09-22
Share

Fransiye agéntliqining xewiridin melum bolushiche, birleshken döletler teshkilati balilar fondining xitaydiki bayanatchisi peyshenbe küni xotende yulun yallughi wirusi bilen yuqumlan'ghanlarning sanining 10 gha yetkenlikini, bularning 6 sining ösmür bala ikenlikini élan qilghan.

Tekshürüshlerdin melum bolushiche, xelq'arada poli'o wirusi dep atilidighan bu xil wirusning xotende tarqalghini "Bir tipliq poli'o wirusi" dep atilidighan bolup, uning tarqilishchanliqi we paraléch keltürüp chiqirish éhtimalliqi bashqa poli'o wiruslirigha sélishturghanda téximu küchlük iken.

Aldinqi küni, dunya sehiye teshkilati mezkur wirusning pakistandin tarqalghanliqini mu'eyyenleshtürgen, emma wirusining pakistandin xoten'ge qandaq bir yol arqiliq tarqalghanliqi éniq emes.

Xitay sehiye ministirliqi nöwette xoten'ge mutexessilerdin terkib tapqan 3 ömek ewetlikini, xotendiki 15 yashtin töwen, bashqa rayonlardiki 5 yashtin töwen balilarning hemmisige waksina uridighanliqini élan qildi.

Xitay sehiye ministirliqi xotende hazirghiche bir balining yulun yallughi bilen yuqumlinip ölgenlikini bildürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet