Д у қ 2‏ - нөвәтлик уйғур рәһбәрлирини демократийә вә хәлқара қанун буйичә тәрбийиләш курси берлинда башланди

Дуня уйғур қурултийи,вакаләтсиз милләтләр тәшкилати вә америкиниң демократийини илгири сүрүш фонди җәмийити бирликтә тәшкиллигән, 2 - нөвәтлик уйғур рәһбәрлирини демократийә вә хәлқара қанун буйичә тәрбийиләш курси 2008 ‏ - йили 4 ‏ - айниң 21 ‏ - күни германийиниң пайтәхти берлин шәһиридә башланди.
Мухбиримиз өмәр қанат хәвири
2008-04-22
Share

 Курсиниң ечилиш мурасимиға, америка, канада, австралийә, қазақистан, германийә франсийә, норвегийә, түркийә вә асия дөләтлиридин болуп 13 дөләттин кәлгән уйғур вә хәлқаралиқ кишилик һоқуқ тәшкилатлири мәсуллири, кишилик һоқуқ мутәхәссислири, тонулған сиясийонлар вә шуниңдәк германийә ташқи ишлар министирлиқиниң хадимлири,германийидики нопузлуқ радио телевизийә,гезит, жорналларниң мухбирлири болуп 100 дин артуқ киши қатнашқан.

Уйғур миллий һәрикитиниң йетәкчи вә дуня уйғур қурултийиниң рәиси, рабийә ханим курсиниң ечилиш мурасимида сөз қилип, бу курсиниң йәнә бир қетим ечилғанлиқини тәбрикләш билән бир вақитта бу қетимқи уйғур рәһбәрлирини демократийә вә хәлқара қанун буйичә тәрбийиләш курсини тәшкилләшкә ярдәм қилған һәр қайси кишилик һоқуқ тәшкилатлири, демократийини илгири сүрүш органлири,мунасивәтлик мутәхәссис вә шәхсләргә һәмдә бу курсқа қатнишиш үчүн йирақ әлләрдин кәлгән курс қатнашқучилириға вә уйғур мәсилисигә көңүл бөлүватқан һәр қайси орунларға рәһмәт ейтип, курсиниң ғәлибилик болушиға тиләкдашлиқ билдүрди.

2‏ - Нөвәтлик уйғур рәһбәрлирини демократийә вә хәлқара қанун буйичә тәрбийиләш курси, 4 ‏ - айниң ‏‏ 23 ‏ - күни ахирлишиду.
Биринчи қетимлиқ курс 2007 ‏ - йили 6 ‏ - майдин 11 ‏ - майғичә голландийиниң деһн һааг шәһири вә белгийиниң пайтәхти бириюкселда өткүзүлүп наһайити яхши нәтиҗиләр қолға кәлтүрүлгән иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт