Сахта " шәрқий түркистан унсури " қолға чүшти
Мухбиримиз әқидә хәвири
2008.06.19
2008.06.19
Хитайда чиқидиған қанун торидин ашкарилинишичә, өзини шәрқий түркистан паалийәтчиси қияпитидә көрситип, пул үндүрүшкә урунған сүн юңҗиң исимлик бир қимарваз икки шерики билән биллә, партлитиш тәһдити селиш арқилиқ мәқсидигә йәтмәкчи болған. Улар хитай сақчилириниң разветка қилиши нәтиҗисидә 14 - июн күни қолға чүшкән.
Хитай һөкүмәт даирилириниң уйғур террорчилар һәққидә көп тәшвиқ елип бериши нәтиҗисидә мәзкүр вәқәниң мәйданға кәлгәнликини пәрәз қилған уйғур сиясий паалийәтчилири, буниңдин кейин бундақ һадисиләрниң көп садир болидиғанлиқини тәкитләп, хитайниң илгири шәрқий түркистан тәшкилати әзалириниң айрупилан партлитиш вәқәсини ойдуруп чиқарғанлиқини, бу вәқәгә даир пакитларниң ялғуз чәтәлләрдики уйғур тәшкилатлириниңла әмәс, бәлки хәлқарадики сиясийон вә мутәхәссисләрниңму рәт қилишиға учриғанлиқини оттуриға қойди.