Хитай, сәнлу ширкитиниң сүт парашогида чәкләнгән бир химийивий маддиниң барлиқидин хәвәрдар икәнликини ашкарилиди

Шәнбә күни хитай сәһийә министирлиқи, бовақларниң сүйдүк йолида таш пәйда болушиға вә бир бовақниң өлүмигә сәвәб болған сүт парашокини сатқан сәнлу сүт фермисиниң, сүт парашокини ишләтмәслик тоғрисида уқтуруш чүшүрүлүшидин нәччә һәптә бурун мәзкур сүт парашогида чәкләнгән бир химийивий маддиниң барлиқидин хәвәр икәнликини ашкарилиди.
Мухбиримиз өмәр қанат хәвири
2008.09.13
Share on WhatsApp
Share on WhatsApp

 Лекин хитай сәһийә минстирлиқи тәрипидин елан қилинған баянатта, хитайниң әң чоң сүт фермиси һесабланған сәнлу һәссидарлиқ ширкитиниң нимә үчүн сүт парашокиниң чәкләнгән химийилик бир хил мадда билән болғанғанлиқидин аммини өз вақтида хәвәрләндүрмигәнлики һәққидә бир немә дейилмигән.

Хитай сәһийә минситирлиқиниң билдүрүшичә, сәнлу һәссидарлиқ ширкити тәрипидин авғуст ейида елип берилған тәкшүрүштә сүт парашокиниң бир хил химийилик мадда билән болғанғанлиқи байқалған болуп, ширкәт баянат елан қилип, 2008‏ - йили 8‏ - айниң 6‏ - күнидин бурун ишләпчиқирилған барлиқ балилар сүт парашоклирини йиғивелишни қарар қилғанлиқини билдүргән.

Хәвәрләргә қариғанда, һөкүмәт сәнлу гуруһи һәссидарлиқ ширкитигә балилар сүт парашоки ишләпчиқиришни пүтүнләй тохтитиш тоғрисида буйруқ чүшүргән.

Хитай сәһийә минситирлиқиниң оқтурушидин кейин, сәнлу маркилиқ балилар сүт парашоки импорт қилған бәзи дөләтләр, хитайдин импорт қилинған сүт парашокини йиғивелиш қарари алған болуп, америка бирләшмә агентлиқиниң хәвәр қилишичә, тәйвән һөкүмәт даирилири он миңлиған кило сәнлу маркилиқ сүт парашокини мусадир қилған.

Бу арида хәвәрләргә қариғанда хитайда сәнлу маркилиқ сүт парашокини ишлитиш нәтиҗисидә кесәл болған балилар сани 432 гә йәткән.
 

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.