ប្រធាន​អាស៊ាន​ផ្អាក​ដំណើរ​មក​កម្ពុជា

ប្រធាន​សមាគម​​អាស៊ាន លោក ម៉ាទី ណាតាឡេហ្គាវ៉ា (Marty Natalegawa) ផ្អាក​ដំណើរ​របស់​លោក​មក​ប្រទេស​កម្ពុជា​ដោយ​មិន​ទាន់​មាន​ពេល​កំណត់។
ដោយ ទីន ហ្សាការីយ៉ា និង ឡេង ម៉ាលី
2011-04-25
អ៊ីម៉ែល
មតិ
Share
បោះពុម្ព
លោក ម៉ាទី ណាតាលេហ្គាវ៉ា (Marty Natalegawa) ប្រធាន​សមាគម​អាស៊ាន និង​ជា​រដ្ឋមន្ត្រី​ក្រសួង​ការបរទេស​ឥណ្ឌូណេស៊ី។
លោក ម៉ាទី ណាតាលេហ្គាវ៉ា (Marty Natalegawa) ប្រធាន​សមាគម​អាស៊ាន និង​ជា​រដ្ឋមន្ត្រី​ក្រសួង​ការបរទេស​ឥណ្ឌូណេស៊ី។
RFA/Tin Zakariya

លោក ម៉ាទី ណាតាឡេហ្គាវ៉ា បាន​គ្រោង​ចេញ​ពីឥណ្ឌូណេស៊ី​មក​កម្ពុជា និងថៃ ដើម្បី​ស្វែង​រក​ដំណោះ​ស្រាយ​សម្រាប់​ជម្លោះ​ព្រំដែន​ប្រទេស​ទាំង​ពីរ​ដែល​នាំ​ឱ្យ​មាន​ការ​ប្រយុទ្ធ​គ្នា​រយៈ​ពេល​បួន​ថ្ងៃ។

មន្ត្រី​អ្នក​នាំ​ពាក្យ​ក្រសួង​ការ​បរទេស​កម្ពុជា លោក កុយ គួង ថ្លែង​នៅ​ព្រឹក​ថ្ងៃ​ទី ២៥ មេសា​ថា ក្រសួង​ការ​បរទេស​កម្ពុជា បាន​ទទួល​លិខិត​ពន្យា​ពេល​ពី​លោក ម៉ាទី ណាតាឡេហ្គាវ៉ា (Marty Natalegawa) ហើយ​ ហើយ​មិន​បាន​បញ្ជាក់​អំពី​មូលហេតុ​អ្វី​ច្បាស់​លាស់​ទេ។ លោក ម៉ាទី ណាតាឡេហ្គាវ៉ា មក​កម្ពុជា ដើម្បី​ចុះ​ហត្ថលេខា​លើ​លក្ខខណ្ឌ​ដាក់​អ្នក​សង្កេត​ការណ៍​ឥណ្ឌូណេស៊ី នៅ​ខ្សែ​បន្ទាត់​ព្រំដែន​ខ្មែរ-ថៃ។

លោក​ថ្លែង​ឱ្យ​ដឹង​ថា ការ​ផ្អាក​ដំណើរ​របស់​លោក ម៉ាទី ណាតាឡេហ្គាវ៉ា ភាគី​កម្ពុជា​សង្ស័យ​ថា អាច​បណ្ដាល​មក​ពី​មូលហេតុ​ភាគី​ថៃ​មិន​ព្រម​ចុះ​ហត្ថលេខា​លើ​ឯកសារ​ព្រមព្រៀង​ដាក់​អ្នក​សង្កេត​ការណ៍​ឥណ្ឌូណេស៊ី​នៅ​តំបន់​ជម្លោះ ដែល​នាំ​ឱ្យ​កម្ពុជា និង​ថៃ​ប្រយុទ្ធ​គ្នា​ដោយ​អាវុធ​ជា​ថ្មី ចាប់​តាំង​ពី​ថ្ងៃ​សុក្រ​ទី ២២ មេសា​មក។

នៅ​ថ្ងៃ​ទី ២៥ មេសា កាសែតបាងកកប៉ុស្តិ៍ (Bangkok Post) ​ស្រង់​ប្រសាសន៍​មន្ត្រី​អ្នក​នាំ​ពាក្យ​រដ្ឋាភិបាល​ថៃ លោក ផានីតាន វ៉ាត្តាណា​យ៉ាកន (Panitan Wattanayagorn) ដែល​ថ្លែង​ថា ការ​ផ្អាក​ដំណើរ​នេះ គឺ​លោក ម៉ាទី ណាតា​ឡេហ្គាវ៉ា ចង់​ពិនិត្យ​មើល​សន្ធិសញ្ញា​នានា រវាង​កម្ពុជា និង​ថៃ​បន្ថែម​ទៀត​សិន។

មន្ត្រី​អ្នក​នាំ​ពាក្យ​ក្រសួង​ការ​បរទេស​កម្ពុជា លោក កុយ គួង ថ្លែង​ថា កន្លង​មក​ខាង​ភាគី​កម្ពុជា បាន​ជូន​ព័ត៌មាន​ច្បាស់លាស់​រួច​ហើយ ទាំង​ទៅ​ប្រធាន​អាស៊ាន លោក ម៉ាទី ណាតា​ឡេហ្គាវ៉ា និង​ក្រុម​ប្រឹក្សា​សន្តិសុខ​អង្គការ​សហប្រជាជាតិ។ លោក​ថ្លែង​ថា ប្រធាន​អាស៊ាន​បាន​ជ្រាប​ច្បាស់​ហើយៗ ទុក​លទ្ធភាព​ឱ្យ​លោក​ចាត់​រឿង​នេះ​ជា​បន្ត​ទៀត​ចុះ។

នៅ​ថ្ងៃ​ទី ២៥ មេសា​​ដដែល រដ្ឋមន្ត្រី​សុខភាព​សាធារណៈ​ថៃ លោក ជុរីន ឡាក់សាណាវិស៊ីត (Jurin Laksanavisit) បាន​ប្រាប់​កាសែត​ថៃ​ឈ្មោះ បាងកកប៉ុស្តិ៍ (Bangkok Post) ថា ទាហាន​ថៃ​ស្លាប់​ចំនួន ៥ នាក់ និង​របួស ២៨ នាក់​ក្នុង​ការ​ប្រយុទ្ធ​គ្នា​រយៈ​ពេល​បី​ថ្ងៃ ចាប់​តាំង​ពី​ថ្ងៃ​ទី ២២ រហូត​ដល់​ថ្ងៃ​ទី ២៤ ខែ​មេសា ឆ្នាំ ២០១១។ មាន​សេចក្តី​រាយការណ៍​ថា ទាហាន​កម្ពុជា​ស្លាប់​ចំនួន ៦ នាក់៕

ព័ត៌មាន (9)
Share

អ្នក​អាន​អនាមិក

Because the leader make profit from thailand?

Apr 26, 2011 01:59 AM

អ្នក​អាន​អនាមិក

Thai is Thai-(Siem Is Siem)they are from gerilla robber-grab-land. Think on this country and start to compare between thai and indonia, which is the best developing country? the answer is Thai. Why do Thai listen to the head of Asean?
This is a reason. Who is standing behind of Thai? There have to England and USA.

Apr 25, 2011 11:36 PM

អ្នក​អាន​អនាមិក

Asean is useless.

Apr 25, 2011 11:11 PM

អ្នក​អាន​អនាមិក

that time he should come far to sovle it.បើនៅតែបង្អង់ទៀត សៀមកាន់តែបានដៃហើយ មិនគួផ្អាកទេ

Apr 25, 2011 08:43 PM

អ្នក​អាន​អនាមិក

One can see that even Indonedian President is bowing to Thailand.

Apr 25, 2011 01:04 PM

មើល​មតិ​ទាំង​អស់.

គេហទំព័រ​ទាំងមូល