ព័ត៌មាន​សំខាន់ប្រចាំថ្ងៃ៖ លោក ហ៊ុន សែន ចំ​អក​គោល​នយោ​បាយ​ឧបត្ថម្ភ​ប្រាក់​ដល់​មនុស្ស​ចាស់​...

2023.03.15
ព័ត៌មាន​សំខាន់ប្រចាំថ្ងៃ៖ លោក ហ៊ុន សែន ចំ​អក​គោល​នយោ​បាយ​ឧបត្ថម្ភ​ប្រាក់​ដល់​មនុស្ស​ចាស់​... (ឆ្វេង) លោក គីមសួរ ភីរិទ្ធ មន្រ្តី​នាំ​ពាក្យ​គណ​បក្ស​ភ្លើង​ទៀន និង​លោក​នាយក​រដ្ឋមន្ត្រី ហ៊ុន សែន ​ក្នុង​ពិធី​សំណេះ​សំណាល​ជា​មួយ​ពល​រដ្ឋ​ដែល​រង​ផល​ប៉ះ​ពាល់​ពី​គម្រោង​សាង​សង់​វារី​អគ្គិសនី ក្នុង​ស្រុក​វាល​វែង ខេត្ត​ពោធិ៍​សាត់ នៅ​ថ្ងៃ​ទី១៤ ខែមីនា ឆ្នាំ២០២៣។
Photo courtesy

លោក ហ៊ុន សែន ចំ​អក​គោល​នយោ​បាយ​ឧបត្ថម្ភ​ប្រាក់​ដល់​មនុស្ស​ចាស់​

លោក​នាយក​រដ្ឋ​មន្ត្រី ហ៊ុន សែន បាន​សើច​ចំអក​គោល​នយោបាយ​ឧបត្ថម្ភ​ប្រាក់​ដល់​មនុស្ស​ចាស់​របស់​គណ​បក្ស​ភ្លើង​ទៀន និង​ចាត់​ទុក​ថា គ្រាន់​តែ​ជា​ការ​សន្យា​ប៉ុណ្ណោះ។ មន្ត្រី​គណ​បក្ស​ប្រឆាំង​ឆ្លើយ​តប​ថា ការ​ដាក់​ចេញ​គោល​នយោបាយ​នេះ ឆ្លង​កាត់​ការ​សិក្សា​ស្រាវ​ជ្រាវ​ច្បាស់​លាក់ ហើយ​អាច​អនុ​វត្ត​ទៅ​រួច ប្រសិន​បើ​កម្ពុជា​មាន​រដ្ឋាភិបាល​មួយ​ស្អាត​ស្អំ​គ្មាន​អំពើ​ពុក​រលួយ។

ព័ត៌មាន​ពិស្ដារ...

HRW អំពាវនាវ​ឱ្យ​ដោះ​លែង​កញ្ញា ឈឹម ស៊ីថរ និង​ទម្លាក់​ចោល​បទ​ចោទ​ទាំង​អស់​ពី​សមាជិក​សហជីព NagaWorld

អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃតស៍ វ៉ច្ឆ (Human Rights Watch) អំពាវនាវ​ដល់​អាជ្ញាធរ​កម្ពុជា​ឱ្យ​ដោះលែង​មេសហជីព​ណាហ្គាវើលដ៍ (NagaWorld) កញ្ញា ឈឹម ស៊ីថរ និង​ទម្លាក់ចោល​រាល់​បទចោទ​ព្រហ្មទណ្ឌ​ទាំងអស់​ប្រឆាំងនឹង​កញ្ញា និង​សមាជិក​សហជីព​ណាហ្គាវើលដ៍ ៨នាក់​ផ្សេងទៀត។ ការអំពាវនាវ​នេះ ធ្វើឡើង​ស្របពេល​ដែល​សាលាដំបូង​រាជធានី​ភ្នំពេញ​បន្ត​សវនាការ​លើកទីបី​ជុំវិញ​សំណុំរឿង​កូដករ​ណាហ្គាវើលដ៏។

ព័ត៌មាន​ពិស្ដារ...

ពលរដ្ឋ​មួយចំនួន​ត្អូញត្អែរ​ពី​ជីវភាព​ក្រីក្រ​ខ្លាំង​ខណៈ​ក្រសួង​សេដ្ឋកិច្ច​ថា កម្ពុជា​មាន​ហានិភ័យ​បំណុល​កម្រិត​ទាប

ប្រជាពលរដ្ឋ​មួយចំនួន​ប្រឈម​នឹង​ជីវភាព​ក្រីក្រ​ដោយសារ​ជំពាក់​បំណុល​ធនាគារ និង​គ្មាន​ការងារ​ធ្វើ​សមរម្យ ។ ការ​ត្អូញត្អែរ​របស់​ពលរដ្ឋ​នេះ​គឺ​បន្ទាប់ពី​រដ្ឋមន្ត្រីក្រសួង​សេដ្ឋកិច្ច​លើក​ឡើង កាល​ពី​ថ្ងៃទី​០១ មីនា ស្ដីពី​ព្រឹត្តិបត្រ​ស្ថិតិ​បំណុល​បរទេស​ប្រចាំត្រីមាស​ទី​៤ ឆ្នាំ ២០២២ របាយការណ៍​បង្ហាញថា​បើ​ទោះបី​ជា​សេដ្ឋកិច្ច​កម្ពុជា​ទទួល​រង​ផល​ប៉ះពាល់​ពី ការ​រីក​រាលដាល​នៃ​វិបត្តិ​ជំងឺ​កូវីដ​-១៩ និង​ពី​កត្តា​ខាងក្រៅ​ផ្សេងទៀត​ក្ដី ក៏​ស្ថានភាព​បំណុល​កម្ពុជា​នៅ​តែ​មាន​ចិរភាព និង​ហានិភ័យ​កម្រិត​ទាប។

ព័ត៌មាន​ពិស្ដារ...

ពលរដ្ឋ​រស់នៅ​ក្បែរ​ព្រំដែន​វៀតណាម​ខេត្ត​ត្បូងឃ្មុំ ២១​គ្រួសារ ស្នើ​ឱ្យ​អាជ្ញាធរ​ផ្តល់​ដំណោះស្រាយ​ដីធ្លី ក្រោយ​បោះបង្គោល​ព្រំដែន​រួច

ពលរដ្ឋ​ជាច្រើន​គ្រួសារ​រស់​នៅ​ជាប់​ព្រំដែន​វៀតណាម ក្នុង​ខេត្តត្បូងឃ្មុំ​ អំពាវនាវ​ឱ្យ​អាជ្ញាធរ​ផ្តល់​ដំណោះស្រាយ​ដីធ្លី​រ៉ាំរ៉ៃ​ជាង ១០ ឆ្នាំ​មក​ហើយ ក្រោយ​ពី​រដ្ឋាភិបាល​ បាន​បោះបង្គោល​ព្រំដែន​ជាមួយ​ប្រទេស​វៀតណាម​រួចរាល់។

ព័ត៌មាន​ពិស្ដារ...

លោក ហ៊ុន សែន ស្នើ​កុំឱ្យ​ពលរដ្ឋ​ជេរ​លោក​ពេល​ចាញ់​ក្តី​នៅ​តុលាការ

លោកនាយក​រដ្ឋមន្ត្រី​ ​ហ៊ុន សែន ស្នើសុំ​កុំឱ្យ​ប្រជាពលរដ្ឋ​ជេរ​លោក​នៅពេល​ចាញ់ក្តី​តុលាការ ដោយ​លោក​អះអាង​ថា ស្ថាប័ន​នោះ​ជា​អំណាច​ដាច់ដោយឡែក​។ ប៉ុន្តែ​មន្ត្រី​បក្ស​ប្រឆាំង​យល់​ថា​ស្ថាប័ន​តុលាការ​សព្វថ្ងៃ​បំពេញការងារ​មិន​ឯករាជ្យ និង​ស្ថិត​ក្រោម​ខ្សែ​ញាក់​របស់​អ្នកមាន​លុយ​មានអំណាច ស្របពេល​ពលរដ្ឋ​ក្រីក្រ​កម្រ​ទទួល​បាន​យុត្តិធម៌​នោះ​ឡើយ។

ព័ត៌មាន​ពិស្ដារ...

អ្នក​នាំ​ពាក្យ​ក្រសួង​យុត្តិធម៌​ប្រាប់​ទៅ​មេធាវី​លោក កឹម សុខា ឱ្យ​ទៅ​សុំ​ការ​អនុញ្ញាត​ពី​ព្រះរាជអាជ្ញា បើ​ចង់​ជួប​កូន​ក្ដី

អ្នកនាំពាក្យ​ក្រសួង​យុត្តិធម៌ ប្រាប់​ទៅ​ក្រុម​មេធាវី​ការពារ​ក្ដី លោក កឹម សុខា ថា បើ​ចង់​ជួប​កូន​ក្ដី​ឱ្យ​ទៅ​សុំ​ការ​អនុញ្ញាត​ពី​ព្រះរាជអាជ្ញា​ជា​មុន​សិន។ ទោះ​យ៉ាងណា មន្ត្រី​សិទ្ធិមនុស្ស​រិះគន់​ថា អ្វី​ដែល​មន្ត្រី​ជាន់​ខ្ពស់​ក្រសួង​យុត្តិធម៌​លើក​ឡើង ​មិន​ត្រឹមត្រូវ​តាម​ច្បាប់​ទេ ព្រោះ​មេធាវី​មាន​សិទ្ធិ​គ្រប់គ្រាន់​ក្នុង​ការ​ជួប​កូនក្ដី​របស់​ខ្លួន។

ព័ត៌មាន​ពិស្ដារ...

មេធាវី​ការពារ​ក្ដី​លោក សុន ឆ័យ បារម្ភ​កូនក្ដី​របស់​ខ្លួន​ប្រឈម​បាត់បង់​ដីផ្ទះ

មេធាវី​ការពារ​ក្ដី​លោក សុន ឆ័យ បារម្ភ​ថា អនុប្រធាន​គណបក្ស​ភ្លើង​ទៀន លោក សុន ឆ័យ ប្រឈម​បាត់បង់​ដីធ្លី ខណៈ​លោក សុន ឆ័យ គ្មាន​ប្រាក់ ១លាន​ដុល្លារ​បង់​ជំងឺ​ចិត្ត​ឱ្យ​បក្ស​កាន់​អំណាច។ មន្ត្រី​សង្គម​ស៊ីវិល ចង់​ឃើញ​ភាគី​ឈ្នះក្ដី គួរ​បញ្ចប់​ត្រឹម​ក្នុង​នាម​ជា​អ្នក​ឈ្នះ ចំណែក​ប្រាក់​ជំងឺ​ចិត្ត ១លាន​ដុល្លារ គណបក្ស​កាន់​អំណាច​គួរ​អនុគ្រោះ​មិន​ទាមទារ​ពី​លោក សុន ឆ័យ។

ព័ត៌មាន​ពិស្ដារ...

សហ​មេធាវី​ប្រតិកម្ម​រឿង​សមត្ថកិច្ច​យាម​ផ្ទះ មិន​ឲ្យ​ជួប​លោក កឹម សុខា គឺ​ជា​រឿង​ផ្ទុយ​ពី​ច្បាប់

អ្នក​ច្បាប់​អះអាង​ថា សមត្ថកិច្ច​រដ្ឋាភិបាល ដែល​យាម​ផ្ទះ​មេ​បក្ស​ប្រឆាំង រារាំង​មិន​ឲ្យ​សហ​មេធាវី​ការពារ​ក្ដី​លោក កឹម សុខា បាន​ជួប​កូន​ក្ដី ដើម្បី​ពិភាក្សា​អំពី​ការ​ដាក់​ពាក្យ​ប្ដឹង​ទៅ​សាលា​ឧទ្ធរណ៍ ជំទាស់​សាលា​ក្រម​សាលា​ដំបូង ដែល​ផ្ដន្ទាទោស​លោក កឹម សុខា ចំនួន ២៧ឆ្នាំ​នោះ​ថា ជា​រឿង​ផ្ទុយ​ពី​ច្បាប់។

ព័ត៌មាន​ពិស្ដារ...

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

បញ្ចេញ​មតិយោបល់៖

បញ្ចូលមតិរបស់អ្នកដោយបំពេញទម្រង់ខាងក្រោមជាអក្សរសុទ្ធ។ មតិនឹងត្រូវសម្រេចដោយអ្នកសម្របសម្រួល និងអាចពិនិត្យកែប្រែឲ្យស្របតាម លក្ខខណ្ឌនៃការប្រើប្រាស់ របស់វិទ្យុអាស៊ីសេរី។ មតិនឹងមិនអាចមើលឃើញភ្លាមៗទេ។ វិទ្យុអាស៊ីសេរី មិនទទួលខុសត្រូវចំពោះខ្លឹមសារនៃមតិដែលបានចុះផ្សាយឡើយ។ សូមគោរពមតិរបស់អ្នកដទៃ ហើយប្រកាន់ខ្ជាប់នូវការពិត។