១ . គណបក្សភ្លើងទៀនចាប់ផ្ដើមយុទ្ធនាការពង្រឹងសមាជិកបក្សតាមមូលដ្ឋាន ដើម្បីទទួលបានការគាំទ្រពីប្រជាពលរដ្ឋ
ថ្នាក់ដឹកនាំជាន់ខ្ពស់គណបក្សភ្លើងទៀន ណែនាំឱ្យក្រុមការងាររបស់បក្សចាប់ផ្ដើមពង្រឹងសមត្ថភាពសមាជិកគណបក្សនៅតាមមូលដ្ឋាន ដើម្បីទទួលបានការគាំទ្រពីប្រជាពលរដ្ឋនៅក្នុងការបោះឆ្នោតថ្នាក់ជាតិដែលនឹងប្រព្រឹត្តិទៅ ក្នុងខែកក្កដា ឆ្នាំ២០២៣ខាងមុខនេះ។ មន្ត្រីអង្គការសង្គមស៊ីវិលគាំទ្រ គណបក្សភ្លើងទៀន ក្នុងការដែលចុះទៅពង្រឹងសមាជិកនៅតាមមូលដ្ឋានឱ្យធ្វើការប្រកបដោយក្រមសីលធម៌ ដើម្បីជៀសវៀងការគំរាមកំហែងពីគណបក្សកាន់អំណាច។ អានព័ត៌មានពិស្តារ ...
២ . បក្សកាន់អំណាចប្តេជ្ញា « កម្ចាត់នយោបាយ និងសកម្មភាពជ្រុលនិយម » ឱ្យអស់ពីកម្ពុជា
បក្សកាន់អំណាចប្តេជ្ញាកម្ចាត់ «នយោបាយ និងសកម្មភាពជ្រុលនិយម» គ្រប់រូបភាពឱ្យអស់ពីសង្គមកម្ពុជា។ ការប្តេជ្ញាចិត្តនេះ គឺជាផ្នែកមួយនៃសេចក្តីសម្រេចចិត្តនៃមហាសន្និបាតវិសាមញ្ញតំណាងទូទាំងប្រទេសរបស់គណបក្សកាន់អំណាច រយៈពេលពីរថ្ងៃ ដែលទើបនឹងបិទបញ្ចប់ទៅកាលពីថ្ងៃទី២៩ ខែមករា ម្សិលម៉ិញ។ ទន្ទឹមនឹងការប្តេជ្ញាចិត្តនេះ គណបក្សនេះ នៅតែមិនទាន់ហ៊ានដាក់ឈ្មោះលោក ហ៊ុន ម៉ាណែត ជាបេក្ខភាពនាយករដ្ឋមន្ត្រីផ្លូវការសម្រាប់ការបោះឆ្នោតជាតិឆ្នាំ២០២៣នេះនៅឡើយទេ ដោយបន្តដាក់ឈ្មោះលោក ហ៊ុន សែន ជាបេក្ខភាពនាយករដ្ឋមន្ត្រីដដែល។ អានព័ត៌មានពិស្តារ ...
៣ . មេសហជីពរិះគន់ធនាគារអេប៊ីអេ (ABA) មិនបើកប្រាក់ជំនួយមនុស្សធម៌ដល់បុគ្គលិកណាហ្គាវើលដ៍ថាជារឿងមិនត្រឹមត្រូវ
មេសហជីពលើកឡើងថា សហជីពមានសិទ្ធិទទួលជំនួយមនុស្សធម៌ពីប្រភពស្របច្បាប់។ ពួកគាត់លើកឡើងថា ធនាគារក្នុងស្រុកដែលបដិសេធពុំបើកប្រាក់មូលនិធិមនុស្សធម៌គឺជារឿងមិនត្រឹមត្រូវ។ ប្រតិកម្មនេះ ធ្វើឡើងបន្ទាប់ពីធនាគារអេប៊ីអេ (ABA) បានរារាំងការផ្ទេរប្រាក់ឧបត្ថម្ភចំនួន ១ម៉ឺន៥ពាន់ ១៥០ ដុល្លារ ចូលគណនីធនាគាររបស់សហជីពបុគ្គលិកណាហ្គាវើលដ៍ពីអង្គការមូលនិធិអន្តរជាតិមួយ ដើម្បីជួយដល់ក្រុមស្ត្រីសហជីពក្រីក្រ។ អានព័ត៌មានពិស្តារ ...
៤ . ប្រតិភូខ្មែរក្រោមជំរាបប្រាប់សន្និសិទអន្តរសាសនាស្តីពីការរំលោភសិទ្ធិសាសនាខ្មែរក្រោម
សហព័ន្ធខ្មែរកម្ពុជាក្រោមដឹកនាំប្រតិភូទៅចូលរួមសន្និសិទសេរីភាពសាសនាអន្តរជាតិនៅរដ្ឋធានីវ៉ាស៊ីនតុន នៅដើមសប្តាហ៍នេះ ដើម្បីធ្វើរបាយការណ៍ស្តីពីស្ថានភាពនៃការធ្វើទុក្ខបុកម្នេញផ្នែកសាសនាទៅលើព្រះសង្ឃខ្មែរកម្ពុជាក្រោម ដែលកំពុងគង់នៅលើទឹកដីកំណើត។ តំណាងសហព័ន្ធខ្មែរកម្ពុជាក្រោមលើកឡើងថា សន្និសិទនេះជាឱកាសមាសដើម្បីជំរាបមេដឹកនាំសាសនាទាំងអស់នៅក្នុងកិច្ចប្រជុំនេះឲ្យស្វែងយល់ពីការប្រវត្តិនៃការប្រតិបត្តិសាសនារបស់ព្រះសង្ឃខ្មែរក្រោមនិងពលរដ្ឋខ្មែរក្រោមផង។ អានព័ត៌មានពិស្តារ ...
៦ . អ្នកវិភាគ ថា លោក ហ៊ុន សែន ចាត់តាំងក្រុមមេធាវីស្ម័គ្រចិត្តឲ្យការពារស្ត្រីសេវាកម្សាន្តជាការកេងចំណេញនយោបាយ
អ្នកវិភាគនយោបាយនិងសហជីពលើកឡើងថាការដែលមេដឹកនាំបក្សកាន់អំណាចចាត់តាំងឲ្យក្រុមមេធាវីស្ម័គ្រចិត្តជួយផ្តល់សេវាផ្នែកច្បាប់ដល់ស្ត្រីបម្រើសេវាកម្សាន្តទូទាំងប្រទេសនេះគឺជាការប្រកាសដដែលៗនិងមិនអាចជួយស្ត្រីរងគ្រោះបានច្រើនទេ។ពួកគាត់យល់ថា រដ្ឋាភិបាល គួរតែធ្វើកំណែទម្រង់ប្រព័ន្ធយុត្តិធម៌ទាំងមូលទើបអាចផ្តល់យុត្តិធម៌ពិតប្រាកដដល់ប្រជាពលរដ្ឋគ្រប់រូប។
៧ . ពលករ និងសកម្មជនបក្សភ្លើងទៀននៅប្រទេសថៃប្រមូលម្ដុំគ្នាទាមទារឱ្យលោក ហ៊ុន សែន ដោះលែងលោក ថាច់ សេដ្ឋា សារជាថ្មី
ពលករខ្មែរនិងសកម្មជនបក្សភ្លើងទៀនជិត១០០នាក់នៅប្រទេសថៃបានប្រមូលម្ដុំគ្នាទាមទារឱ្យរដ្ឋាភិបាល លោក ហ៊ុន សែន ដោះលែងអនុប្រធានបក្សភ្លើងទៀន លោក ថាច់ សេដ្ឋា និងអ្នកទោសនយោបាយផ្សេងទៀតដែលកំពុងជាប់ឃុំក្នុងពន្ធនាគារ។ សង្គមស៊ីវិលថា ការស្នើរបស់ពលករនេះគឺជាសិទ្ធិសេរីភាពបញ្ចេញមតិដែលរដ្ឋាភិបាលគួរតែពិចារណានិងដោះលែងដើម្បីស្ដារលទ្ធិប្រជាធិបតេយ្យនៅកម្ពុជាឡើងវិញ។
៨ . ពលរដ្ឋមួយចំនួនមិនរំពឹងថា នឹងទទួលបានផលប្រយោជន៍ក្រោយពីជនជាតិចិនត្រឡប់មកវិញ
ពលរដ្ឋខ្មែរមួយចំនួនរស់នៅក្រុងភ្នំពេញ និងខេត្តទេសចរណ៍ បានសម្ដែងមតិផ្ទុយជុំវិញការវិលត្រឡប់មកវិញរបស់ភ្ញៀវទេសចរចិន។ អ្នកខ្លះរំពឹងថា នឹងអាចរកចំណូលពីរបរអាជីវកម្មប្រចាំថ្ងៃបានច្រើន ប៉ុន្តែអ្នកខ្លះថា ចិនប្រើប្រាស់សេវាកម្មរបស់ជនជាតិចិនគ្នាឯង ហើយខ្មែរមិនទទួលបានផលប្រយោជន៍ពីភ្ញៀវចិន។ អានព័ត៌មានពិស្តារ ...
៩ . ក្រសួងព័ត៌មានចាប់ផ្ដើមហៅអ្នកសារព័ត៌មានអនឡាយ (online) ណែនាំឱ្យធ្វើការប្រកបដោយវិជ្ជាជីវៈ
ក្រសួងព័ត៌មានចាប់ផ្ដើមហៅអ្នកសារព័ត៌មានអនឡាយ (online) មកណែនាំឱ្យធ្វើការងារប្រកបដោយវិជ្ជាជីវៈ និងក្រមសីលធម៌ កាលពីថ្ងៃទី២៧ ខែមករា។ ចំណាត់ការនេះធ្វើឡើងបន្ទាប់ពីមានបញ្ជាពីនាយករដ្ឋមន្ត្រី លោក ហ៊ុន សែន ឱ្យហៅអ្នកសារព័ត៌មានអនឡាយ (online) ទាំងអស់យកទៅអប់រំ។អ្នកជំនាញខាងសារព័ត៌មាន យល់ឃើញថា ការណែនាំអ្នកសារព័ត៌មានពីវិជ្ជាជីវៈជារឿងល្អប្រសិនបើជាកាណែនាំមិនបង្គាប់បញ្ជាឱ្យអ្នកសារព័ត៌មានធ្វើនេះធ្វើនោះដែលអាចធ្វើឱ្យប៉ះពាល់ដល់ការអនុវត្តសិទ្ធិសេរីភាពការងាររបស់ពួកគាត់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។