ལྷོ་ཨ་ཧྤི་རི་ཀའི་རྫུ་ལུའི་སྲས་མཱན་གྷོ་སུ་ཐུ་སྦུ་ཐེ་ལེ་ཪྫི་མཆོག་འདས་གྲོངས་སུ་ཕྱིན་པར་ཐུགས་གསོའི་གསུང་འཕྲིན་སྩལ་བ།
༸གོང་ས་མཆོག་དང་སྐུ་ཞབས་མཱན་གྷོ་སུ་ཐུ་སྦུ་ཐེ་ལེ་ཪྫི་མཆོག་རྣམ་གཉིས།
སྒྲིག་བཟོ།
ཕྱི་ལོ་ ༢༠༢༣ ཟླ་བ་ ༩ ཚེས་ ༡༠ ཉིན་བཞུགས་སྒར་༸རྒྱལ་བའི་ཕོ་བྲང་ནས་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས། ལྷོ་ཨ་ཧྤི་ར་ཀའི་རྫུ་ལའི་སྲས་དང་ཡུལ་དེའི་གྲོས་ཚོགས་འཐུས་མི་དུས་ཡུན་རིང་གནང་མྱོང་མཁན་སྲས་དམ་པ་སྐུ་ཞབས་མཱན་གྷོ་སུ་ཐུ་སྦུ་ཐེ་ལེ་ཪྫི་མཆོག་(Mangosuthu Buthelezi)འདི་ཚེས་༩ཉིན་དགུང་གྲངས་༩༥ཐོག་འདས་གྲོངས་སུ་ཕྱིན་པར། དམ་པ་ཁོང་གི་ནང་མི་ལྷན་རྒྱས་དང་རྗེས་འབྲང་པ་ཡོངས་ལ་ཐུགས་གསོའི་གསུང་འཕྲིན་ཞིག་སྩལ་བའི་ནང་།
༸གོང་ས་མཆོག་གིས། ངོས་རང་དམ་པ་ཁོང་དང་ཐེངས་མང་ཐུག་འཕྲད་བྱུང་མྱོང་ཡོད། ཅེས་དང་། དམ་པ་ཁོང་ནི་ངོས་དང་བོད་མི་རྣམས་ལ་སེམས་ཉེ་བའི་གྲོགས་པོ་ཞིག་ཡིན། ཞེས་དང་། དམ་པ་ཁོང་ནས་དགུང་ལོ་༩༥བར་མི་ཚེ་དོན་སྙིང་ལྡན་པའི་ངང་བསྐྱལ་ཐུབ་ཡོད་ཅེས་བཀའ་སྩལ་འདུག་ཅིང་། ཡང་༸གོང་ས་མཆོག་གིས་མུ་མཐུད། དམ་པ་ཁོང་ནས་བོད་ཀྱི་ཆེ་མཐོང་དང་རང་དབང་གི་ཆེད། ཐུགས་སྣང་ཆེན་པའི་ངང་རྟག་ཏུ་རྒྱབ་སྐྱོར་གནང་བར། ཐུགས་རྗེ་ཆེ་ཞུ་བ་དང་སྦྲགས། རྟག་ཏུ་བཀའ་དྲིན་བསམ་བཞིན་ཡོད་ཅེས་བཀའ་སྩལ་འདུག
ཡང་དགའ་ལྡན་ཕོ་བྲང་གི་དྲུང་ཆེ་ཆོས་སྐྱབས་པ་འཆི་མེད་རིག་འཛིན་ལགས་སུ་ཨེ་ཤེ་ཡ་རང་དབང་རླུང་འཕྲིན་ཁང་ནས་ཞལ་པར་བརྒྱུད་བཀའ་འདྲི་ཞུས་པར། དམ་པ་ཁོང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཐོག་མོར་ཕྱི་ལོ་༡༩༩༦ལོར་ལྷོ་ཧྤི་རི་ཀར་མཇལ་འཕྲད་ཡོད་པ་དང་། རིམ་པས་༸གོང་ས་མཆོག་དང་ཐེངས་མང་མཇལ་འཕྲད་ཀྱིས། བོད་དོན་ལ་རྒྱབ་སྐྱོར་ཤུགས་ཆེ་གནང་ཡོད་ཅེས་འགྲེལ་བརྗོད་གནང་བྱུང་།
གཞི་རྩའི་སྲས་དམ་པ་སྐུ་ཞབས་མཱན་གྷོ་སུ་ཐུ་སྦུ་ཐེ་ལི་རྫི་མཆོག་ནི་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་དད་གུས་ཡོད་མཁན་ཞིག་དང་། ལྷག་པར་དུ་ཕྱི་ལོ་༢༠༠༩ལོར་ལྷོ་ཨ་ཧྤི་རི་ཀའི་གཞུང་གིས་༸གོང་ས་མཆོག་ལ་མཐོང་མཆན་མ་ཕུལ་བའི་སྐབས། སྲས་དམ་པ་སྐུ་ཞབས་མཱན་གྷོ་སུ་ཐུ་སྦུ་ཐེ་ལི་རྫི་མཆོག་གིས་སྔ་ཕྱི་རིམ་པར་ཡུལ་དེའི་ཆེ་མཐོའི་ཁྲིམས་ཁང་སོགས་ལ་གཏུག་བཤེར་གནང་ཡོད་ཅིང་། དམ་པ་ཁོང་གིས་ལྷོ་ཨ་ཧྤི་རི་ཀའི་གཞུང་གི་བྱ་སྤྱོད་དེ་རིགས་ནི་གཙོ་བོ་རྒྱ་ནག་ལ་བསྟུན་མཁན་ཁོ་ན་ཡིན་ཞེས་བརྗོད་ཡོད་པ་རེད། ཡང་དམ་པ་ཁོང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དགུང་༨༦ལ་ཕེབས་པའི་༸སྐུའི་འཁྲུངས་སྐར་སྐབས། འཚམས་འདྲི་གནང་བའི་ནང་། ༸གོང་ས་མཆོག་གིས་ཆབ་སྲིད་ཀྱི་འགན་དབང་མི་མང་གིས་འདེམས་པའི་དབུ་ཁྲིད་ལ་སྩལ་ཡོད་སྟབས། དམ་པ་ཁོང་དང་ཁོང་གི་ཆབ་སྲིད་ཚོགས་པ་ནས་དུས་རྟག་ཏུ་བོད་དོན་ལ་རྒྱབ་སྐྱོར་ཡོད་ཅེས་བཀོད་ཡོད་འདུག
གསར་འགོད་པ། ཡེ་ཤེས་ཟླ་བ།
རྩོམ་སྒྲིག་པ། ཡེ་ཤེས་ཟླ་བ།
དྲྭ་ཐོག་སྤེལ་མཁན། ཡེ་ཤེས་ཟླ་བ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ད་རེས་གྲོས་ཚོགས་འཚོགས་མ་ཐུབ་པའི་གནས་སྟངས་འོག་སྤྱི་འཐུས་རྣམ་པར་འགྲོ་གྲོན་གཏོང་སྟངས་སྒྲིག་གཞི་ཁ་གསལ་མེད་པ་རེད་འདུག
- ཐའེ་ཝན་གྱི་རྒྱལ་སར་ཐའེ་ཝན་ནས་བོད་མཐོང་ཞེས་བའི་རོལ་དབྱངས་འདུ་འཛོམས་གནང་འདུག
- གྲོས་ཚོགས་ཚོགས་དུས་དྲུག་པའི་ལས་ཉིན་བཞི་པ་ནས་གྲོས་ཚོགས་མུ་མཐུད་དུ་འཚོགས་མ་ཐུབ་པར་ལྷག་འདུག
- ང་ཚོས་རྒྱ་ནག་དང་བརྒྱུད་ལམ་གཞན་ཞིག་བརྒྱུད་ནས་འབྲེལ་ལམ་ཐབས་ཤེས་གནང་བཞིན་ཡོད། སྲིད་སྐྱོང་མཆོག་གིས།
- སྲིད་སྐྱོང་མཆོག་ལྷོ་ཨ་མི་རི་ཀ་དང་བྱང་ཨ་རིའི་ནང་གཞུང་དོན་ཕྱོགས་ཕེབས་ཆེད་རྡ་རམ་ས་ལ་ནས་ཕེབས་ཐོན་གནང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- གྲོས་ཚོགས་འཚོགས་མ་ཐུབ་པའི་འགན་དེ་བདེ་སྲུང་ལས་ཁུངས་ལ་མེད་ཅེས་བདེ་སྲུང་བཀའ་བློན་གྱིས་གསུངས་བྱུང་།
- རྒྱ་ནག་གིས་ཨ་རུ་ནཱ་ཅལ་གྱི་རྩེད་འགྲན་པ་གསུམ་ལ་མཐོང་མཆན་སྤྲོད་སྟངས་ཐད་རྒྱ་གར་གྱིས་སྐྱོན་བརྗོད་བྱས་འདུག
- གྲོས་ཚོགས་ཚོགས་དུས་དྲུག་པ་མུ་མཐུད་དུ་འཚོགས་མ་ཐུབ་པར་འཕར་འགྱངས་གནང་སོང་།
- བོད་ལ་མིང་དོན་མཚུངས་བའི་རང་སྐྱོང་གི་གནས་བབ་ལས་རང་བཙན་རྩོད་ཀྱི་མེད། ༧གོང་ས་མཆོག་གིས།
- རྒྱ་ནག་གི་རྒྱལ་སྟོན་དུས་ཆེན་སླེབས་ལ་ཉེ་བ་དང་རྒྱ་ནག་གཞུང་གིས་བོད་ནང་དམ་དྲག་ཤུགས་ཆེ་རུ་བཏང་ཡོད་འདུག