༧གོང་ས་མཆོག་(Botswana)་ནང་ཆིབས་བསྒྱུར་གནང་རྒྱུ་རེད།

བོད་ཀྱི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་རིང་མིན་(Botswana)་ནང་ཆིབས་བསྒྱུར་བསྐྱང་གནང་རྒྱུ་ཡིན་འདུག
དེ་ཡང་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་རིང་མིན་ཕྱི་ཟླ་བརྒྱད་པའི་ཚེས་༡༧་ནས་ཚེས་༡༩་ཉིན་གྲངས་གསུམ་རིང་ལྷོ་ཨ་ཧྥེ་རི་ཀའི་ཡུལ་གྲུ་(Botswana) ནང་ཆིབས་བསྒྱུར་བསྐྱང་གནང་སྟེ་སེམས་དང་སྲོག་གི་སྐོར་ལ་དེར་ཡོད་མཁས་པ་ཚོ་དང་། ཚན་རིག་པའི་ལྷན་དུ་བགྲོ་གླེང་གནང་རྒྱུ་ཡིན་ཞིང་། ༧གོང་ས་མཆོག་(Botswana) ནང་ཆིབས་བསྒྱུར་བསྐྱང་རྒྱུ་དེ་བཞིན་ཁུལ་དེིའི་ནང་ཡོད་པའི་སེམས་དང་སྲོག་གི་ལྟེ་གནས་ཁང་གི་སེམས་ཁམས་ཚན་རིག་པ་སྐུ་ཞབས་(Karen Fitzgeral)་ནས་གདན་ཞུ་གནང་བ་ཞིག་ཡིན་འདུག
༧གོང་ས་སྐྱབས་མགོན་ཆེན་པོ་མཆོག་(Botswana)་ནང་ཉིན་གྲངས་གསུམ་རིང་བཞུགས་བཞག་གནང་རྒྱུན་རིང་གོང་ཞུས་བཞིན་མཁས་པ་ཁག་དང་། ཚན་རིག་པའི་དབར་སེམས་དང་སྲོག་གི་སྐོར་བགྲོ་གླིང་གནང་རྒྱུ་དང་། དེ་ག་ནང་བཞིན་དེར་ཡོད་དད་ལྡན་མི་མང་ཚོར་ནང་པའི་ལྟ་སྒྲུབ་དང་འབྲེལ་བའི་ཐོག་ནས་བཀའ་སློབ་སྩལ་གནང་རྒྱུ་སོགས་ཀྱི་མཛད་འཆར་ཡོད་པ་རེད།
སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་Botswana ནང་ཆིབས་བསྒྱུར་གནང་རྒྱུར་Botswana་སྲིད་འཛིན་ལ་ཐུགས་མོས་ཆེན་པོ་ཡོད་པའི་ཐོག་ཡུལ་དེའི་ནང་གི་མཛད་འཆར་ཐོག་མ་དེ་(Botswanan)་ཡི་སྲིད་འཛིན་(Ian Khama)མཆོག་གི་དབུ་ཚུགས་གནང་གི་ཡོད་པ་རེད།

གསར་འགོད་པ་དབྱངས་སྒྲོལ།