ལྷོ་ཨེ་ཤི་ཡའི་ལྷན་ཚོགས་ཆེད་སྲུང་སྐྱོབ་གྲ་སྒྲིག་གནང་བཞིན་པ།

ལྷོ་ཨེ་ཤི་ཡའི་ཡུལ་གྲུའི་མཉམ་མཐུན་ལྷན་ཚོགས་ཀྱི་ཆེས་མཐོའི་ལྷན་འཛོམས་ཆེད་དཔུང་དམག་ཆིག་ཁྲི་ཉིས་སྟོང་འཕར་མ་འགྲེམས་འཇོག་གནང་འཆར།

2008-07-25
Share

༄༅༎བདུན་ཕྲག་རྗེས་མ་ཤྲི་ལང་ཀའི་ནང་ལྷོ་ཨེ་ཤི་ཡའི་མངའ་ཁུལ་གྱི་ཡུལ་ཁག་མཉམ་མཐུན་ལྷན་ཚོགས་ཀྱི་ཆེས་མཐོའི་ལྷན་འཛོམས་དེ་གནང་རྒྱུ་ཡིན་པའི་སྐབས་དེར། ཨེ་ཤི་ཡའི་དབུ་ཁྲིད་ཚོར་སྲུང་སྐྱོབ་དམ་པོ་ཞུ་ཕྱིར་ ཤྲི་ལང་ཀའི་རྒྱལ་ས་ ཀོ་ལོམ་བོའི་ནང་ཉེན་རྟོག་དམག་མི་འཕར་མ་ཆིག་ཁྲི་ཉིས་སྟོང་འགྲེམས་འཇོག་གནང་རྒྱུ་རེད་འདུག

ཉེན་རྟོག་དཔུང་སྡེའི་སྤྱི་ཁྱབ་གཞོན་པ་ ནི་མལ་མེ་རྡི་ལྦ་ཀ་ ཡིས་ ཕྱི་ཟླ་༨པའི་ཚེས་༢ནས་བཟུང་ཉིན་གྲངས་གཉིས་ཚུགས་རྒྱུའི་ལྷོ་ཨེ་ཤི་ཡའི་མངའ་ཁུལ་གྱི་ཡུག་ཁག་མཉམ་མཐུན་ལྷན་ཚོགས་ཀྱི་ཆེས་མཐོའི་ལྷན་འཛོམས་དེ་མ་གནང་གོང་ནས་དཔུང་དམག་ཆིག་ཁྲི་ཉིས་སྟོང་འཕར་མ་འགྲེམས་འཇོག་གནང་རྒྱུའི་འཆར་གཞི་ཡོད་སྐོར་གསུངས་བཞག དེ་བཞིན་མི་དམངས་འབུམ་དྲུག་དང་ཁྲི་ལྔ་གནས་སྡོད་བྱེད་སའི་ཡུལ་རྒྱལ་ས་ཀོ་ལོམ་བོའི་ནང་གི་སྲུང་སྐྱོབ་ཀྱི་འགན་འཁུར་ཡོད་པའི་ཉེན་རྟོག་པའི་སྤྱི་ཁྱབ་གཞོན་པ་ མེ་རྡི་ལྦ་ཀ་ཡིས་ རྒྱལ་ཁབ་སོ་སོའི་དབུ་འཁྲིད་ཚོར་སྲུང་སྐྱོབ་དམ་པོ་ཞུ་ཕྱིར་དམིགས་བསལ་སྐུ་སྲུང་ཆེད་འཛུགས་གནང་རྒྱུ་ཡིན་སྐོར་འགྲེལ་བརྗོད་གནང་བཞག

རྒྱ་གར་གྱི་སྲིད་བློན་མན་མོ་ཧན་སིང་གི་སྐུའི་སྲུང་སྐྱོབ་ཆེད་རང་ཡུལ་གྱི་དམག་མི་བརྒྱ་ཕྲག་འགའ་ཤས་གཏོང་གནང་རྒྱུ་ཡིན་པ་དང༌། དམག་མི་དེ་ཚོ་ཤྲི་ལང་ཀའི་ནང་རྒྱ་གར་དམག་དོན་གྱི་ཐད་འཕུར་གནམ་གྲུའི་དང་གོ་མཚོན་འགོག་སྲུང་ཐུབ་པའི་འགྲུལ་འཁོར་ནང་འབྱོར་རྒྱུ་ཡིན་པ་རེད།

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།