ཨུ་རུ་སུའི་དད་ལྡན་ཆོས་ཞུ་བར་འཚམས་འདྲི་དང་ཆོས་འབྲེལ།

༧གོང་ས་མཆོག་གིས་ཨུ་རུ་སུའི་དད་ལྡན་ཆོས་ཞུ་བ་རྣམས་ལ་ལོ་གསར་ལ་འཚམས་འདྲི་དང་སྦྲགས་ཆོས་འབྲེལ་སྩལ་ཡོད་འདུག

2011-12-21
Share

༄༅༎སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ཨུ་རུ་སུའི་དད་ལྡན་ཆོས་ཞུ་བ་རྣམས་ལ་ལོ་གསར་ལ་འཚམས་འདྲི་དང་སྦྲགས་ཆོས་འབྲེལ་སྩལ་ཡོད་འདུག
དེ་ཡང་བོད་མིའི་སྒྲིག་འཛུགས་ཀྱི་དྲ་གནས་ཐོག་གནས་ཚུལ་འཁོད་གསལ་ལྟར་ན་ ཕྱི་ལོ་ཉིས་སྟོང་བཅུ་གཅིག་ལོའི་ཕྱི་ཟླ་བཅུ་གཉིས་པའི་ཚེས་༢༠ཉིན་ཆོས་འབྲེལ་ཉིན་གཉིས་པ་དབུ་འཛུགས་མཛད་པ་དང་འབྲེལ་དགའ་ལྡན་ལྔ་མཆོད་ཀྱི་དུས་དྲན་ཁྱད་པར་ཅན་དང་དུས་མཉམ་དུ་ཁལ་མུཀ་གི་ལོ་གསར་འཁེལ་གྱི་ཡོད་པར་བརྟེན་ ཨུ་རུ་སུའི་དད་ལྡན་ཆོས་ཞུ་བ་རྣམས་ལ་འཚམས་འདྲིའི་བཀའ་སློབ་རྩལ་ཡོད་ཅིང་ ༧གོང་ས༧སྐྱབས་མགོན་ཆེན་པོ་མཆོག་ནས་ འཇམ་མགོན་བླ་མ་ཙོང་ཁ་པ་ཆནེ་པོ་མཆོག་གི་རྗེས་འབྲངས་པ་གཙོ་བོར་གྱུར་བའི་བོད་གངས་ཅན་ལྗོངས་ཀྱི་རིས་མེད་ཀྱི་མཁས་པ་མང་དག་ཅིག་གིས་དེ་རིང་རྗེ་རིན་པོ་ཆེའི་རྗེས་དྲན་ཐོག་ནས་སོ་སོའི་དམིགས་བསལ་གྱི་ཁ་འདོན་དགེ་སྦྱོར་བྱེད་ཀྱི་ཡོད་ དེ་བཞིནདེ་རིང་དགའ་ལྡན་ལྔ་མཆོད་ཀྱི་སྐབས་སུ་ཁལ་མུཀ་གི་ལོ་གསར་འཁེལ་གྱི་ཡོད་སྟབས་ ཁྱེད་རང་ཚོར་ལོ་གསར་པ་ལ་འཚམས་འདྲི་ཡོད་ཅེས་བཀའ་སྩལ་ཡོད་ཅིང་ ༧གོང་ས་སྐྱབས་མགོན་ཆེན་པོ་མཆོག་ནས་ང་ཚོའི་ངོས་ནས་སངས་རྒྱས་པའི་ཆོས་ལ་ཕྲན་བུ་སློབ་སྦྱོང་བྱས་ཏེ་ཤོད་རྒྱུ་ཡོད་པའི་ཐོག་ནས་སོ་སོ་རང་ཉིད་ཀྱི་རྒྱལ་བའི་དགོངས་པ་དང་མཐུན་པའི་ལྟ་སྤྱོད་ཡག་པོ་ཞིག་བྱེད་དགོས་རྒྱུ་ཧ་ཅང་གལ་ཆེན་པོ་ཡིན་པ་དང་ མི་གཞན་གྱིས་དོ་སྣང་བྱེད་སྐབས་ཆོས་ཀྱི་རིན་ཐང་ཡོདཔ་དེར་སྔོན་ལ་སངས་རྒྱས་ཀྱི་ཆོས་ལ་སློབ་སྦྱོང་དང་ཡིད་ཆེས་ དེ་བཞིན་ཉམས་ལེན་བྱེད་མཁན་ང་ཚོའི་ངོས་ནས་སངས་རྒྱས་ཀྱི་ཆོས་ཀྱི་རིན་ཐང་དེ་སྒོ་གསུམ་གྱི་སྤྱོད་པའི་ཐོག་ནས་ཆ་ཚང་བ་ཞིག་བྱ་རྒྱུ་དེ་ཧ་ཅང་གལ་ཆེན་པོ་རེད་ དེར་བརྟེན་ང་རང་ཚོ་ཕ་མེས་ནས་སངས་རྒྱས་ཀྱི་ཆོས་བྱེད་མཁན་དེ་དག་གིས་སོ་སོའི་ཕ་མེས་ཀྱི་གཅེས་ནོར་ངོ་ཤེས་པ་བྱས་ཏེ་བདག་པོ་རྒྱག་རྒྱུ་གལ་ཆེན་པོ་རེད་ ཆོས་ལ་བདག་པོ་རྒྱོབས་ཅེས་པ་དེ་ལྷ་ཁང་ཡོད་པའི་སྐད་ཆ་གང་ཡང་མིན་ གང་ལྟར་རང་ཉིད་ཀྱི་སེམས་ནང་ལུང་རྟོགས་ཀྱི་ཡོན་ཏན་དེ་དག་མ་སྐྱེས་པ་རྣམས་སྐྱེས་པ་བྱེད་དགོས་པ་དང་ སྐྱེས་པ་དེ་དག་གོང་ནས་གོང་དུ་འཕེལ་བར་བྱེད་དགོས་ དེ་བཞིན་མི་ལ་ལྟ་གྲུབ་མི་འདྲ་བའི་ཆོས་བརྒྱུད་དེ་དགོས་ཀྱི་ཡོད་ མིར་ཁམས་དང་མོས་པ་སྣ་ཚོགས་ཤིག་ཡོད་པར་བརྟེན་  སོ་སོའི་ཁམས་དང་མཐུན་པའི་ཉམས་ལེན་བྱ་རྒྱུ་ཞིག་བྱུང་ན་ནུས་པ་ཆེ་བ་ཡོད་ ལྟ་བ་མི་འདྲ་བ་ཡོད་ཀྱང་བསླབ་བྱ་ཚང་མའི་ནང་བྱམས་པ་དང་བཟོད་སྒོམ་དགོས་ཞེས་གསུང་གི་འདུག ཆོས་ཁས་བླང་དང་མི་བླང་རང་ཉིད་ཀྱི་རང་དབང་རེད་ ཆོས་ཁས་བླང་ན་སོ་སོའི་ཆོས་ནས་གསུངས་པ་དེ་དག་ལག་ལེན་བསྟར་དགོས་སོགས་བཀའ་སློབ་སྩལ་འདུག

མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎

དྲ་གནས་ཆ་ཚང༌།