ཡོ་རོབ་གྲོས་ཚོགས་ནང་རྒྱ་ནག་གཞུང་གིས་བོད་ཐོག་འཛིན་པའི་སྲིད་ཇུས་ལ་སྐྱོན་བརྗོད་ཀྱི་གྲོས་ཆོད་ཅིག་བཞག་གནང་ཡོད་པ།
ཡོ་རོབ་གྲོས་ཚོགས།
ཨེ་ཨེཕ་པི།
ཡོ་རོབ་གྲོས་ཚོགས་ནང་རྒྱ་ནག་གཞུང་གིས་བོད་ཐོག་འཛིན་པའི་སྲིད་ཇུས་ལ་སྐྱོན་བརྗོད་དང་མཉམ། ད་ལྟ་རྒྱ་ནག་གིས་བོད་ནང་ལག་བསྟར་བྱེད་བཞིན་པའི་བཅའ་སྡོད་སློབ་གྲྭའི་སྲིད་བྱུས་དེ་ཛ་དྲག་དང་ཉེན་ཚབས་ཀྱི་རང་བཞིན་ཡིན་པ་ངོས་འཛིན་གནང་ཡོད་པའི་གྲོས་ཆོད་ལ་མང་མོས་ཀྱི་རྒྱབ་སྐྱོར་ཐོབ་འདུག
དེ་ཡང་ཕྱི་ཚེས་ ༡༤ ཉིན་དོན་ཚན་བདུན་ཡོད་པའི་ཡོ་རོབ་གྲོས་ཚོགས་ཀྱི་གྲོས་ཆོད་དེའི་ནང་། རྒྱ་ནག་གཞུང་གིས་བོད་ནང་གཏན་འཇགས་སློབ་གྲྭ་ཁག་འཛུགས་པ་དེ་ནི་བོད་མི་རིགས་ཀྱི་ཐུན་མོང་མ་ཡིན་པའི་སྐད་ཡིག་དང་། རིག་གཞུང་དང་། ཆོས་ཕྱོགས་ཀྱི་བྱེད་སྒོ་ཁག་རྩ་མེད་བཟོ་ཐབས་ཤིག་ཡིན་པའི་སྐོར་གྲོས་ཆོད་དེའི་ནང་བཀོད་གནང་ཡོད་པ་རེད་འདུག དེ་བཞིན་ཡོ་རོབ་གྲོས་ཚོགས་ཀྱི་གྲོས་ཆོད་དེའི་ནང་དེ་སྔོན་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆེད་ལས་པ་རྣམས་ཀྱིས་བོད་ནང་གི་གཏན་འཇགས་སློབ་གྲྭ་ཁག་གི་སྐོར་གནས་ཚུལ་ཐེར་འདོན་གནང་བ་བཞིན་བོད་ནང་རྒྱ་ནག་གཞུང་གི་དྲག་གནོན་ཅན་གྱི་གཏན་འཇགས་སློབ་གྲྭ་འཛུགས་པ་དེ་དག་འཕྲལ་དུ་མཚམས་འཇོག་དགོས་པའི་སྐོར་དང་། སྒེར་གཉེར་སློབ་གྲྭ་ཁག་འཛུགས་འཇུག་དགོས་པའི་སྐོར་གྲོས་ཆོད་དེའི་ནང་བཀོད་ཡོད་པ་རེད་འདུག ཡང་ཡོ་རོབ་གྲོས་ཚོགས་ཀྱི་གྲོས་ཆོད་དེའི་ནང་བོད་ནང་བྱིས་པ་རྣམས་རྒྱ་བསྒྱུར་བྱེད་ཐབས་དེ་ནི། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་ལུགས་དང་འགལ་ཡོད་པའི་སྐོར་དང་། གཏན་འཇགས་སློབ་གྲྭ་དེ་དག་འཛུགས་རྒྱུའི་ཐོག་ཐད་ཀར་འབྲེལ་བ་ཡོད་པའི་རྒྱ་མིའི་དཔོན་རིགས་ཁག་ལ་ཨ་མི་རི་ཀའི་གཞུང་གིས་ཝི་ས་མཐོང་མཆན་མི་སྤྲོད་རྒྱུའི་ཉེས་ཆད་བཀལ་བ་བཞིན་ཡོ་རོབ་སྤྱི་མཐུན་སྒྲིག་འཛུགས་ཀྱི་ངོས་ནས་ཀྱང་དེ་ལྟར་ཕྱག་བསྟར་གནང་དགོས་པའི་འབོད་བསྐུལ་གནང་ཡོད་པ་རེད་འདུག ཡོ་རོབ་གྲོས་ཚོགས་ཀྱི་བོད་ནང་གི་གཏན་འཇགས་སློབ་གྲྭ་ཁག་དང་འབྲེལ་བའི་གྲོས་ཆོད་དེར་གྲོས་ཚོགས་ཀྱི་འཐུས་མི་གྲངས་ ༤༧༧ ཡིས་རྒྱབ་སྐྱོར་དང་། འཐུས་མི་གྲངས་ ༡༤ ཡིས་དེར་ངོ་རྒོལ། གཞན་འཐུས་མི་གྲངས་ ༤༥ ཡིས་བར་བཞུགས་གནང་ཡོད་པ་རེད་འདུག། ཡོ་རོབ་རྒྱལ་སྤྱིའི་བོད་དོན་ལས་འགུལ་ཁང་གི་ཡོ་རོབ་མཉམ་འབྲེལ་སྒྲིག་འཛུགས་ཀྱི་སྲིད་ཇུས་ཉམས་ཞིབ་འགན་འཛིན་ Vincent Metten ལགས་ཀྱིས། ད་ཐེངས་ཡོ་རོབ་གྲོས་ཚོགས་ནང་བོད་དོན་ཆེད་ཛ་དྲག་གི་གྲོས་ཆོད་བཞག་པ་དེས་ཡོ་རོབ་གྲོས་ཚོགས་ནང་བོད་དོན་ལ་རྒྱབ་སྐྱོར་ཤུགས་ཆེན་ཡོད་པ་དང་། རྒྱ་ནག་གཞུང་གིས་བོད་ནང་དུ་གཏན་འཇགས་སློབ་གྲའི་སྲིད་ཇུས་ལག་བསྟར་བྱེད་བཞིན་པ་དེར་རྒྱལ་སྤྱིའི་སྟེང་དོ་སྣང་ཆེན་པ་ཡོད་པ་མཚོན་ཡོད་པ་རེད་ཅེས་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་གནང་བྱུང་།
གསར་འགོད་པ། ལྷུན་གྲུབ་ཚེ་རིང་།
རྩོམ་སྒྲིག་པ། དོན་གྲུབ་རྣམ་རྒྱལ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་དང་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་སྒོ་བརྒྱབ་ན་བོད་མིའི་སྐད་སྒྲ་མེད་པ་འགྱུར་ངེས་རེད་ཅེས་བོད་ཀྱི་གྲགས་ཅན་རྩོམ་པ་པོ་དང་སྙན་ངག་པ་ཚེ་རིང་འོད་ཟེར་ལགས་ཀྱིས་གསུངས་འདུག
- ཨ་རིའི་གཞུང་གིས་རྒྱུན་གྲོན་མ་དངུལ་མཚམས་འཇོག་བྱས་རྐྱེན་ཨེ་ཤེ་ཡ་རང་དབང་རླུང་འཕྲིན་ཁང་གི་ལས་བྱེད་མང་ཆེ་བ་གནས་སྐབས་ཕོགས་མེད་ལས་མཚམས་འཇོག་དགོས་བྱུང་ཡོད།
- རྒྱ་ནག་གཞུང་གིས་རྒྱ་གར་ནང་གདན་ས་ཁག་དང་སློབ་གྲྭ་ཁག་ཏུ་སློབ་གཉེར་གནང་བཞིན་པའི་བོད་མི་རྒྱ་གར་མི་སེར་བཟོས་པ་ཚོའི་རྒྱ་ནག་གི་མི་སེར་ཐོབ་ཐང་དང་ས་ཆའི་ཐོབ་སྐལ་སོགས་གཞུང་བཞེས་གཏང་རྒྱུ་ཡིན་པ་བསྒྲགས་འདུག
- བོད་དང་ཆོས་རིག་གཉིས་ཀའི་ཐོག་འབྲེལ་ཐག་ཉེ་བའི་འབྲུག་ཡུལ་གྱིས་བོད་མིང་ལ་ཤི་ཙང་ཞེས་འབོད་འགོ་བཙུགས་པ་ནི་བློ་ཕམ་གྱི་གནས་རེད་ཅེས་ཉམས་ཞིབ་པས་འགྲེལ་བརྗོད་གནང་གི་འདུག
- གྲོས་ཚོགས་སུ་བཀའ་ཤག་མེད་པ་དང་སྤྱི་འཐུས་ལྷན་ཚོགས་འཚོགས་མི་ཐུབ་པ། གཏོང་ལེན་ཁྲིམས་ཡིག་གཏན་འབེབས་མ་ཐུབ་པའི་གནས་སྟངས་བྱུང་ནའང་། ལོ་འཁོར་སྔོན་རྩིས་བཀའ་འཁྲོལ་སྤྲོད་ཆོག་པའི་སྒྲིག་གཞི་བསྐྱར་བཅོས་ཀྱི་ཁྲིམས་འཆར་བཏོན་པ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་འབྲུག་ཡུལ་ཐེ་བའི་འཛམ་གླིང་ཡུལ་གྲུ་གང་ས་ནས་ཕེབས་པའི་དད་ལྡན་པ་ ༤༠༠ ལ་མཇལ་ཁ་སྩལ།
- ཨོ་སི་ཀྲི་ལི་ཡའི་མེལ་སྦོན་གྱི་ས་ཁང་ཚོང་སྒྱུར་གྱིས་ཨོ་སྒོར་ས་ཡ་གཅིག་དང་འབུམ་གཉིས་ལྷག་ཝིཀ་ཊོ་རི་ཡ་བོད་རིགས་མཐུན་ཚོགས་ལ་དབུལ་རྒྱུ་ཡིན་པ་གྲོས་ཚོགས་ཀྱིས་གཏན་འབེབས་གནང་།
- ཨ་རིའི་རྒྱལ་སྤྱིའི་ཆོས་དད་རང་དབང་ལྷན་ཚོགས་ཀྱིས་རྒྱ་ནག་ནི་དམིགས་བསལ་དོ་སྣང་བྱེད་དགོས་པའི་རྒྱལ་ཁབ་ཏུ་ངོས་འཛིན་དང་། ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- རྒྱ་ནག་གཞུང་གིས་བོད་རང་སྐྱོང་ལྗོངས་ཀྱི་དམར་ཤོག་དྲུང་ཆེ་ཟུར་པ་ཝུའུ་ཡིང་ཅེ་ཡིས། ལྐོག་རྔན་སྒོར་དུང་ཕྱུར་གསུམ་ལྷག་བླངས་པའི་ཉེས་པར་ངོས་ལེན་བྱས་ཡོད་པ་བསྒྲགས་འདུག
- རྩོམ་པ་པོ་ཞིག་གིས་༸གོང་ས་༸སྐྱབས་མགོན་ཆེན་པོ་མཆོག་གི་མཛད་རྣམ་སྐོར་གྱི་རི་མོའི་བསྩམས་སྒྲུང་ཞིག་མགོན་པོ་མཆོག་ལ་སྤྱན་འབུལ་ཞུས་འདུག