དབྱིན་ཇིའི་སྲིད་བློན་ལས་ཁུངས་སུ་ས་ག་ཟླ་བའི་དུས་ཆེན་སྲུང་བརྩི་ཞུས་པར་བོད་མི་སྐུ་ཚབ་མཉམ་ཞུགས གནང་པ།

2024.05.25
དབྱིན་ཇིའི་སྲིད་བློན་ལས་ཁུངས་སུ་ས་ག་ཟླ་བའི་དུས་ཆེན་སྲུང་བརྩི་ཞུས་པར་བོད་མི་སྐུ་ཚབ་མཉམ་ཞུགས གནང་པ།
དབྱིན་ཡུལ་སྐུ་ཚབ་དོན་གཅོད་ཁང་།

༢༠༢༤ ཟླ་ ༥ ཚེས་ ༢༣ ཉིན་དབྱིན་ཡུལ་གྱི་སྲིད་བློན་ལས་ཁུངས་ 10 Downing Street ཏུ་གོ་སྒྲིག་ཞུས་པའི་སྟོན་པའི་མཛད་རྣམ་གྱི་དུས་ཚིགས་ཁྱད་པར་ཅན་ས་ག་ཟླ་བ་ World Buddha Day ཞེས་སྲུང་བརྩི་ཞུས་པའི་སར་དབྱིན་ཡུལ་བོད་ཀྱི་སྐུ་ཚབ་དོན་གཅོད་ཕརཱ་སི་བསོད་ནམས་ཚེ་རིང་ལགས་དང་དོན་གཅོད་ལས་ཁུངས་ཀྱི་དྲུང་ཆེ་བློ་ཆོས་བསམ་བརྟན་ལགས་རྣམ་གཉིས་མགྲོན་འབོད་གནང་བ་ལྟར་མཛད་སྒོར་མཉམ་ཞུགས་གནང་འདུག
ཕྱོགས་མཚུངས་དབྱིན་ཡུལ་རྒྱལ་ས་ལོན་ཌོན་དུ་ནང་པའི་མཐུན་ཚོགས་ཀྱིས་གོ་སྒྲིག་ཞུས་པའི་ས་ག་ཟླ་བའི་དུས་ཚིགས་ཁྱད་པར་ཅན་དང་བསྟུན་ཏེ་ནང་པའི་མཐུན་ཚོགས་ཀྱི་ཚོགས་མི་དང་དེ་བཞིན་ལོན་ཌོན་གྲོང་ཁྱེར་གྱི་མཉམ་སྦྲེལ་ལས་དོན་ཚན་པའི་འབྲེལ་ཡོད་ལས་བྱེད་བཅས་མི་སྣ་ཁག་ཅིག་མཉམ་འཛོམས་གནང་པའི་སར་མཁའ་འགྲོ་མ་ཚེ་རིང་སྤྱན་ལྔའི་སྐུ་རྟེན་ཀྱང་ཕེབས་ཡོད་པ་བཅས་དབྱིན་ཡུལ་རྒྱལ་ས་ལོན་ཌོན་ནང་གོང་ཞུས་དུས་ཚིགས་ཉིན་མཛད་སྒོའི་ཐོག་བོད་མིའི་སྐུ་ཚབ་རྣམས་ཀྱིས་་མཉམ་ཞུགས་གནང་ཡོད་འདུག
འདི་ག་ཨ་རིའི་རྒྱལ་ས་ཝ་ཤིང་ཊོན་གྱི་སྲིད་འཛིན་ཕོ་བྲང་དུ་ས་ག་ཟླ་བའི་དུས་ཆེན་སྲུང་བརྩི་ཞུས་ཤིང་། མཁན་པོ་ཚུལ་ཁྲིམས་བསྟན་འཛིན་ལགས་ཕེབས་ཞུགས་གནང་ཡོད་པ་རེད།
གསར་འགོད་པ། རིག་འཛིན་ཆོས་སྒྲོན།
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་རྩོམ་སྒྲིག་པ། བཀྲཤིས་དབང་ཕྱུག
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱ་ནག་གཞུང་གིས་བསྐོ་བཞག་བྱས་པའི་པཎ་ཆེན་རྒྱལ་མཚན་ནོར་བུ་ཡོང་སྐབས་དྲག་ཆས་དམག་གིས་སོ་ལྟ་དང་ཞིབ་བཤེར་དམ་དྲག་ཤུགས་ཆེར་བྱས་ཡོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
བོད་ཀྱི་བླ་ན་མེད་པའི་དབུ་ཁྲིད་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ཨ་རིར་ཆིབས་སྒྱུར་གནང་པའི་ཕེབས་ལམ་དུ་༧སྐུ་ངལ་གསོ་ཆེད་སུད་སི་གྲོང་ཁྱེར་ཛུ་རིག་ཏུ་ཞབས་སོར་བདེ་བར་འཁོད་ཡོད།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎