བརྙན་འཕྲིན་གསར་འགྱུར། ༢༠༢༣།༠༣།༠༩

༧གོང་ས་༧སྐྱབས་མགོན་ཆེན་པོ་མཆོག་གིས་ཁལ་ཁ་༧རྗེ་བཙུན་དམ་པའི་ཡང་སྲིད་མཆོག་སྤྲུལ་རིན་པོ་ཆེ་དབུས་སོག་རིགས་གཙོ་བོར་གྱུར་བའི་དད་ལྡན་པ་རྣམས་ལ་སྒྲུབ་ཆེན་ནག་པོ་ལུགས་ཀྱི་བདེ་མཆོག་གི་བཀའ་དབང་བསྩལ་གནང་མཛད་པ། ཨ་རིའི་རང་དབང་ཁང་པའི་ ༢༠༢༣ ལོའི་འཛམ་གླིང་ནང་གི་རང་དབང་གི་གནས་བབ་དང་འབྲེལ་བའི་སྙན་ཐོ་བཏོན་པའི་ནང་། བོད་འདི་རང་དབང་མེད་པའི་ཡུལ་ལུང་སྡུག་ཤོས་ཨང་ཀི་དང་པོར་མིང་འདོན་བྱེད་འདུག རྒྱ་ནག་གིས་བོད་འཛུགས་བསྐྲུན་གྱི་ལོ་ལྔ་ཚན་གྱི་འཆར་གཞིའི་ནང་། བོད་ཀྱི་རྫོང་ཁག་ ༥༥ ནང་རི་ལིའི་ལྕགས་མཐུད་ཐུབ་པ་བཟོ་འཆར་ཡོད་འདུག་ཅིང་། རྒྱ་གར་གྱི་ས་མཚམས་རྟོག་ཞིབ་པ་ཚོས་རྒྱ་ནག་གི་དམིགས་ཡུལ་གཙོ་བོ་དམག་དོན་ཡིན་པ་བརྗོད་བཞིན་འདུག