Дуня уйғур қурултийи гуаңҗу қамақханисидики 10 уйғур оқуғучи һәққидә америка вә б д т ға мәлумат йоллиди

Мухбиримиз шөһрәт һошур
2016.06.21

Гуаңҗу 75 ‏-оттура мәктәптики 10 уйғур оқуғучиниң террорлуқ гумани билән тутқун қилинғанлиқи вә нөвәттә гуаңҗу 1 ‏-қамақханисида икәнлики тасадипий ахбаратқа ашкарилинип қалғандин кейин, дуня уйғур қурултийи бу 10 уйғур өсмүрниң тәқдири һәққидә җиддий һәрикәткә өтти.

Қурултай баянатчиси дилшат ришит алдинқи күни мухбирларға баянат берип, 10 уйғур оқуғучиниң мәхпий тутқун қилинғанлиқини дуняға ашкарилиған иди.

Түнүгүн қурултай рәиси рабийә қадир ханим америка һөкүмити вә б д т ға мәктуп йоллап бу 10 уйғур оқуғучиниң тәқдиригә җиддий көңүл бөлүшкә дәвәт қилған.

Мәлум болушичә мәктупта, балиларниң алий мәктәп имтиһан мәзгилидә тутқун қилиниши, тутулғанлиқиниң аилиси вә уйғур җәмийитидин сир тутулуши, униң үстигә гуаңҗудики бир қамақханида тутуп турулуши қатарлиқ пакитларниң бу 10 оқуғучиниң нөвәттики әһвали вә келәчики һәққидә қурултай рәһбәрлиридә чоң әндишә пәйда қилғанлиқи билдүрүлгән вә бу һәқтә тәкшүрүш, ениқлаш елип бериш тәләп қилинған.

Мәктупта йәнә, уйғурлардин әнә шундақ мәхпий тутулғанларниң йеқинқи йиллардин бери ғайиб йәни из-дерәксиз икәнлики әскәртилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.