Hayatining 50 yilni yer tewresh tetqiqatigha béghishlighan alim

Muxbirimiz ümidwar
2016-07-24
Élxet
Pikir
Share
Print

Yéqinda, qazaqistan jumhuriyiti bilim we pen ministirliki yer tewresh tetqiqat institutining hidrogé'odinamika laboratoriyisi bashlighi, Uyghur xelqi arisidin tunji qétim yétiship chiqqan yer tewresh tetqiqati sahesidiki pen doktori, qazaqistanning yer tewresh tetqiqatidiki yétekchi alimlarning bir dep bahalan'ghan abduleziz abdulla'éw ependining 80 yashliq tewelludi xatirilen'gen.

Gerche, Uyghurlar arisidin 20 - 21 - esirde ilim - penning her qaysi saheliri boyiche köpligen pen doktorliri yétiship chiqip, ular asasliqi sabiq sowet ittipaqi jumhuriyetliri, Uyghur diyari, türkiye, xitay we gherb ellirige tarqalghan bolsimu, ene shularning qatarida téxi yer tewresh tetqiqati saheside doktorluq unwani élip proféssorluq derijisige érishkenler yoq déyerlik iken. Qazaqistanda chiqidighan Uyghur awazi gézitining yézishiche, abduleziz abdullayéw ependi 1936 - yili qeshqerde tughulghan we 1953 - 1958 - yulliri moskwadiki kalinin namidiki renglik métal we altun inistitutining gé'ologiyilik tekshürüsh fakultétida oqup püttürgen.

Abduleziz abdullayéw oqush püttürgendin kéyin wetinige qaytmay sowét ittipaqida qélip uzun yillar qirghizistan we qazaqistanning yer tewresh tetqiqati saheside ishligen.

1987 - Yili, sowét ittipaqi penler akadémiyisi o.Yu shmidt namidiki yer fizikisi bash institutining doktoranturisigha oqushqa ewetilgen hem kéyinrek mezkur sahede doktorluq unwani alidu.

Abduleziz abdullayéw qazaqistanning séysmologiye , yeni , yer tewresh sahesige yétekchilik qilip, rusiye, ottura asiya döletliri, xitay we bashqa eller bilen ilmi alaqilerde bolghan hem uning tetqiqat eserliri we töhpiliri üchün qazaqistan hökümitining tediqrnamisi we Uyghurlarning "Ilham mukapati"gha sazawer bolghan idi.

Toluq bet