Хитайниң йеңи «алақә тори ахбарат учурлири мулазимитини башқуруш бәлгилимиси» тәнқидкә учриди

Мухбиримиз ирадә
2017-05-04
Share

Хитай һөкүмити 2-май күни «алақә тори ахбарат учурлири мулазимитини башқуруш бәлгилимиси» ни елан қилған иди. 3-Май дуня ахбарат әркинлики күни һарписида елан қилинған бу бәлгилимә кишилик һоқуқ органлириниң тәнқидигә учриди.

Чаршәнбә күни, хәлқара журналистларни қоғдаш комитети мәхсус баянат елан қилип, юқиридики бу бәлгилимини тәнқид қилди. Улар баянатида юқиридики бу бәлгилиминиң хитай һөкүмитини пуқраларниң пикир қилиш әркинликини вә ахбарат әркинликини йәниму илгириләп қамал қилидиған шараит билән тәминләйдиғанлиқини билдүрүп, уни қаттиқ тәнқид қилди.

«Алақә тори ахбарат учурлири мулазимитини башқуруш бәлгилимиси» хитайниң интернет-учур башқуруш идариси тәрипидин чиқирилған болуп, униңда интернет тор бекәтлири, хәвәр-учур мунбәрлири, микро блог, торда биваситә тарқитиш қатарлиқ иҗтимаий алақә васитилирини қоллинип хәвәр тарқатмақчи болғанлар чоқум алақә тори ахбарат учурлири мулазимити иҗазитини елиш керәклики һәм шундақла дөләткә қарашлиқ ахбарат органлири бәлгилигән учурларни тарқитиши керәклики бекитилгән.

Журналистларни қоғдаш комитети асия ишлири программа директори ситивен батлер баянаттики сөзидә «хитай пуқралири вә хитайниң иқтисадий тәрәққияти техиму көп учур тәләп қиливатқан вә учурниң еқишиниң раванлишиши зөрүр болуватқан бир шараитта, хитай һөкүмити болса дөләтни хата йөнилишкә әп маңмақта» дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.