Хитайниң “шинҗаң вәкиллири” б д т да бейҗиңниң уйғурларни көчүрүш вә йөткәп ишқа орунлаштуруш сияситини ақлиған

Мухбиримиз әркин
2021.09.24
Share on WhatsApp
Share on WhatsApp

Хитайниң “шинҗаң вәкиллири” б д т кишилик һоқуқ кеңишиниң 48-нөвәтлик йиғинида сөз қилип, хитайниң талаш-тартиштики уйғур вә башқа мусулман хәлқләрни башқа җайларға көчүрүш вә йөткәп ишқа орунлаштуруш сияситини ақлиған.

Хитайниң “җоңго хәвәрлири” агентлиқиниң билдүрүшичә, бу нөвәтлик б д т кишилик һоқуқ кеңишиниң йиғинида, қизилсу областидин талланған бир таҗик аял билән ақсудин таллап әвәтилгән бир уйғур ишчи аталмиш “шинҗаңдики аз санлиқ милләтләр вәкили” сүпитидә “гуваһлиқ” бәргән.

Хитайниң йүз миңлиған уйғур вә башқа мусулман милләтләрни “намратлиқтин қутқузуш” намида әнәниви өй маканлиридин көчүрүп, башқа районларға йөткиши вә хитай карханилириға мәҗбури ишқа орунлаштуруши уйғурларға қаритилған “ирқий қирғинчилиқниң бир парчиси” дәп әйиблинип кәлгән иди.

Б д т йиғинида керман исимлик қизилсу областидин кәләән бир таҗик аял, илгири юртиниң “тәбиий муһити начар, ул әслиһәлириниң қалақ” икәнлики, һөкүмәтниң пуқраларни омумиййүзлүк башқа җайларға көчүрүш сиясити йолға қоюп, “юртдашлирини йоруқ, азадә биналарға көчүргәнлики” ни ейтқан. Турсун исимлик ақсудин кәлгән уйғур “ишчи” өзиниң хизмитини тонуштуруп, бу хизмәткә мәктәптин хизмәткә қобул қилиш вастиси арқилиқ еришкәнлики, һәр хил параванлиқ һәқлиригә капаләтлик қилинғанлиқи, бихәтәр ишләпчиқириш вә техника тәрбийәси алғанлиқи, дәм елиш вақти вә диний етиқадиға капаләтлик қилинип, ятақ шараити һазирлап берилгәнликини билдүргән.

Керман билән турсун, хитайниң йеңи ашкариланған бу һәқтики һөҗҗәт вә доклатлири униң мәқситигә қарита техиму көп суал пәйда қилған бир вақитта б д т да хитайниң сияситини ақлиған. Тйәнҗин университетиниң йеқинда ‍ашкариланған бир доклатида, уйғурларни башқа җайға көчүрүш вә йөткәп ишқа орунлаштуруш, уларниң нупусини тарқақлаштуруш вә көпийишини контрол қилишниң үнүмлүк чариси икәнлики тәкитләнгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт