Xitay hökümiti Uyghur élida bir yérim milyondin artuq mektep balisini "Bext tamiqi" bilen béqiwatqanliqini ilgiri sürgen

Muxbirimiz erkin
2020-10-27
Share

Xitay da'irilirining 2012-yildin bashlap yolgha qoyghan yézilardiki mektep balilirini heqsiz tamaq bilen teminlesh programmisi kéngiyip, nöwette 1 milyon 540 ming bala bu xil atalmish "Bext tamiqi" bilen teminlenmekte iken.

"Shinjang géziti" ning xewer qilishiche, nöwette bu programma Uyghur élining namrat rayonliridiki pütün mekteplerde yolgha qoyulghan bolup, peyziwat nahiyesining janbaz yéziliq 1-bashlan'ghuch mektipining özidinla 1700 neper oqughuchi bu xil tamaq bilen ozuqlinidiken.

Xitay hökümiti atalmish "Bextlik tamaq" programmisining namrat oqughuchilarning ozuqluq mesilisini hel qilghanliqini ilgiri sürsimu, lékin 2012-yili bashlinip bara-bara oqughuchilarning mektep ashxanisida ozuqlinishi mejburiyetke aylan'ghan bu programmining meqsiti, chet ellerdiki Uyghur teshkilatlirida so'al peyda qilip keldi. Ularning qarishiche, xitay da'irilirining bu programmini yolgha qoyushtidiki meqsiti bir tereptin ata-anisi xitay karxanilirida mejburiy ishlewatqan Uyghur balilirining tamaqsiz qélish ehwalini hel qilish, yene bir tereptin Uyghur balilirini a'ile muhitidin yiraqlashturup, assimilatsiye qilishni téximu tézlitidiken.

"Shinjang géziti" ning xewiride tektilishiche, xitay hökümiti yéqinqi 5 yildin béri "Bextlik tamaq" programmisigha her yili bir milyard yu'en ajritip kelgen bolup, nöwette bir milyon 540 ming bala bu xil atalmish "Bextlik tamaq" programmisidin behirlenmekte iken. Lékin bu bir milyon 540 ming balining ata-anisi lagérlargha élip kétilgen balilar lagérliridiki ösmürlerni öz ichige alidighan yaki almaydighanliqi melum emes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet