Хитай даирилири “шинҗаң ишләпчиқириш-қурулуш биңтуәни” ниң қоманданини алмаштурған

Мухбиримиз әркин
2022-01-19
Share

Хитай даирилири уйғур аптоном райониниң рәһбәрлик қатлимини тәртипкә селип, ғәрб әллириниң җазасиға учриған хитай әмәлдарлирини давамлиқ йөткимәктә.

Бу қетим даириләр “шинҗаң ишләпчиқириш-қурулуш биңтуәни” ниң қомандани пең җяруйни йөткәп, униң орниға тарбағатай вилайәтлик парткомниң секритари шө бинни тәйинлигән. Бу өзгириш районниң сияси рәһбәрлик қатлимидики чоң алмаштуруш болсиму, бирақ хитай таратқулириниң бу вәқәни вақтида алаһидә хәвәр қилмаслиқи диққәт қозғиди.

Хитай тартқулириниң хәвәрлиридә ейтилишичә, шө бин 18-январ биңтуән хәвпсизлик комитетиниң йиғиниға биңтуәнниң йеңи қомандани сүпитидә рәһбәрлик қилған болуп, униң бу вәзипигә тәйинләнгәнлики шуниңдин мәлум болған.

Хәвәрләрдә ‍униң конкирет қачандин башлап бу вәзипигә тәйинләнгәнлики, биңтуәнниң сабиқ қомандани пең җярүйниң ақивитиниң қандақ болғанлиқи тилға елинмиған. Биңтуән вә униң қомандани пең җяруйға илгири америка һөкүмити тәрипидин уйғурларни бастурушта ойниған роли сәвәблик имбарго қоюлған иди.

Көзәткүчиләрниң ейтишичә, даириләр хәлқараниң биңтуәнгә болған диққитини қозғимаслиқ үчүн, биңтуәнниң рәһбәрлик қатлимидики бу зор өзгиришни бәк давраң қилмиған. Биңтуән рәһбәрлик қатлимидики бу өзгириш, өткән йили 12-айда чен чуәнго йөткәп кетилип, ма шиңрүй уйғур аптоном районлуқ парткомниң секритарлиқиға йөткәп келингән, шундақла районниң мәмурий, сиясий қатлимидики бир қатар тәртипкә селишларниң ичидики чоң өзгиришләрниң бири.

Мәлум болушичә, бу йил 56 яшқа киргән шө бин шәншилик болуп, 1987-йилдин бери уйғур елида хизмәт қилишқа башлиған. Нөвәттә у биңтуәнниң қомандани вәзиписидин сирт йәнә шинҗаң уйғур аптоном райониниң муавин рәиси, биңтуән парткоминиң муавин секритари қатарлиқ вәзипиләриниму өтимәктикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт