Биңтуән маарипи 10 йил мабәйнидә хитайниң уйғур районида “тоғрақтәк йилтиз тартиш” сияситигә актип маслашқан

Мухбиримиз җәвлан
2022.10.13
Share on WhatsApp
Share on WhatsApp

Хитайниң “биңтуән гезити” дә тәшвиқ қилинишичә, хитай компартийәсиниң 18-қурултийидин буян биңтуәндә “тарихий характерлик өзгиришләр” йүз бәргән.

Биңтуәнгә тәвә башланғучтин алий мәктәпкичә болған һәр хил мәктәпләрдин 635 мәктәп қурулған, оқуғучилар 570 миңдин, оқутқучи вә ишчи-хизмәтчиләр 50 миңдин ешип кәткән, толуқ оттура мәктәпкә кирип оқуш нисбити 98.6 Пирсәнткә йәткән.

Биңтуән маарипиниң йетәкчи идийәси “тоғрақ роһи бойичә адәм тәрбийәләп, шинҗаңни қоғдаш вә гүлләндүрүш үчүн хизмәт қилиш” болуп, бу районға “тоғрақтәк йилтиз тартидиған” хитай әвладлирини йетиштүрүп чиқишни асасий нишан қилған.

2021-Йил биңтуән алий мәктәплирини пүттүрүп чиққан хитай яшлириниң мәзкур районда қелиш нисбити 72.51 Пирсәнт болған. Униңдин башқа, биңтуән орунлири “13-бәш йиллиқ пилан” мәзгилидә ичкири хитайдин 7047 оқутқучини тәклип қилған болуп, уларниң биңтуәндә қелиш нисбити 67.92 Пирсәнт болған.

Биңтуән мәктәплири әмәлийәттә хитайниң мустәмликә сиясити үчүн хизмәт қилидиған орунлар болуп, уйғуршунас дәррен байлер “шинҗаң немишқа хитай көчмәнлири әң җайлашқан мустәмликә болуп қалди?” намлиқ мақалисидә, биңтуәнниң хитай көчмәнлирини йәрләштүрүш вә уларни елип қелиш җәһәттә һалқилиқ рол ойнап келиватқанлиқини оттуриға қойғаниди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.