بېرما ھەربىي ئايروپىلانلىرى خىتاي چېگراسى ئىچىدە بومباردىمان قىلغان

مۇخبىرىمىز جۈمە
2015-03-14
Share


«ۋاشىنگتون ۋاقىت گېزىتى» نىڭ خەۋەر قىلىشىچە، بېرما ھەربىي ئايروپىلانلىرى خىتاي چېگراسى ئىچىگە ئۇچۇپ كىرىپ، ھۆكۈمەتكە قارىشى قوراللىق كۈچلەر يوشۇرۇنغانلىقى ئىلگىرى سۈرۈلگەن بىر ئۆينى بومباردىمان قىلغان.

مەزكۇر ئۆي يۈننەن ئۆلكىسىنىڭ خىتاي - بېرما چېگراسىدىكى بىر يېزىسىغا جايلاشقان بولۇپ، لېكىن ھەر ئىككىلا تەرەپ بومباردىماندا ئۆلگۈچىلەرنىڭ سانىنى ئېلان قىلمىغان.

ۋەقە شاھىتلىرىنىڭ ئېيتىشىچە، رۇسىيەدە ئىشلەنگەن MiG - 29 تىپلىق كۈرەشچى ئايروپىلان پەس ئۇچۇپ يۈننەننىڭ مىڭدىڭ يېزىغا كىرگەن ۋە بومباردىمان قىلغان.

خىتاي تەرەپ باياناتچىسى خوڭكوڭ لېي بېرمىنىڭ مەزكۇر ھەرىكىتىگە ئېتىراز بىلدۈرگەن.

ئۆتكەن بىر ئايدىن بۇيان بېرمىنىڭ خىتاي چېگراسىغا جايلاشقان كوكاڭ رايونىدىكى قوزغىلاڭچىلار بېرما ھۆكۈمەت ئارمىيىسى بىلەن تۇتۇشۇشىنى داۋام قىلىۋاتقان ئىدى. بۇ توقۇشتا نەچچە مىڭلىغان مۇساپىر خىتاي تەرەپكە ئۆتۈپ كەتكەن.

بېرما دائىرىلىرى ھۆكۈمەتكە قارىشى ئۇرۇش قىلىۋاتقان قوزغىلاڭچىلارنى خىتاي تەرەپنىڭ يوشۇرۇن قوللاپ كېلىۋاتقانلىقىنى ۋە ئۇلارنىڭ مۇساپىر قىياپىتىگە كىرىۋېلىپ خىتايغا ئۆتۈپ قوراللىنىپ كېلىۋاتقانلىقىنى ئىلگىرى سۈرۈشكەن ئىدى.

ھالبۇكى، خىتاي دائىرىلىرى بۇنى ئىزچىل رەت قىلىپ كەلمەكتە.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت