Бирюсселда йүз бәргән партлаштин кейин явропада қаттиқ бихәтәрлик тәдбирлири елинди
Шу җай вақти вақти 22-март, белгийәниң бирюссел айродромида вә явропа иттипақиниң хизмәт биналири җайлашқан райондики метро истансисида партлаш йүз бәрди. 22-Март чүштин кейинки мәлуматларға асасланғанда, партлашта 30 нәччә киши өлүп, көп адәм яриланған.
Белгийә һөкүмәт тәрәп бирюсселда йүз бәргән 3 қетимлиқ зәнҗирсиман партлашни “террорлуқ һуҗуми” дәп бекитти, белгийәдә дөләт бойичә 3 күн матәм тутуш уқтурулғанлиқи хәвәр қилинди.
BBC Ниң хәвәр қилишичә, “ислам дөлити” дәп аталған “даиш” белгийәдики террорлуқ һуҗумиға мәсул икәнликини билдүргән.
Бирюсселдики һуҗумдин кейин америка президенти барак обама баянат елан қилип, өзлириниң белгийә хәлқи билән биргә икәнликини билдүрди.
Кубада зиярәттә болуватқан обама мундақ деди: “биз бигунаһ кишиләргә қаритилған бу вәһшиянә һуҗумларни әйибләштә белгийә хәлқ билән бир сәптә. Биз бу вәқәни садир қилғучиларни һәққанийәт сотиға тартишта достимиз вә иттипақдишимиз белгийәгә барлиқ тиришчанлиқлиримиз билән ярдәм беримиз.”
Хәвәрләрдин мәлум болушичә, 22-мат күни бирюсселда айропилан сәпәрлири тохтитилған, пайтәхттики метро тақалған. явропа дөләтлиридики аммиви мулазимәт орунлиридиму җиддий бихәтәрлик тәдбирлири елинип, сақчилар көпәйтилгән.
- Гүлистан әзиз: “иккинчи вәтиним-японийәни хитай тәһтидидин агаһландуруш вә қоғдаш мениң бурчум”
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Д у қ пүтүн дунядики уйғурларни “5-июл үрүмчи қирғинчилиқи” ниң 13 йиллиқини хатириләшкә чақирди
- Түркийә билән қазақистанниң б д т кишилик һоқуқ алий кеңишиниң 50-қетимлиқ йиғинида уйғур мәсилисини тилға елиши немидин бишарәт бериду?
