Алтә нәпәр рус әскири чечинийә һуҗумчилири тәрипидин етип өлтүрүлгән

Мухбиримиз қутлан
2017-03-25
Елхәт
Пикир
Share
Принт


Җүмә күни сәһәрдә русийәниң чечинийәдики бир һәрбий әслиһә нуқтиси туюқсиз һуҗумға учрап 6 нәпәр рус әскири етип өлтүрүлгән вә бирқанчилиған әскәрлири яридар қилинған.

Ройтерз агентлиқиниң бу һәқтики хәвиригә қариғанда, бир гуруппа қураллиқ һуҗумчилар җүмә күни сәһәрдики қоюқ туманлиқ һаварайидин пайдиллинип, рус армийәсиниң мәлум һәрбий әслиһә нуқтисини оққа тутқан.

Игилинишичә, бир қәпәс қаттиқ етишвазлиқтин кейин һәр икки тәрәптин өлүш вә ярилиниш һадисилири көрүлгән. Рус армийәсиниң илгири сүришичә, етишвазлиқта чечин һуҗумчилиридинму 6 кишиниң өлгәнлики мәлум.

1991-Йили сабиқ советләр иттипақи йимирилгәндин кейин русийә билән чечинийә оттурисида икки қетим чоң типтики уруш партлиған. Путин тәхткә чиққандин кейин чечинийәниң мустәқиллиқ һәрикитигә қарита рәһимсизлик билән бастуруш елип берип, чечин қаршилиқ көрсәткүчилирини йәр асти һәрикәткә өтүшкә мәҗбур қилған.

Көзәткүчиләр, бу қетимлиқ туюқсиз һуҗумниң рус-чечин уруши вақитлиқ тохтиғандин буян кафказийәдә көрүлгән йәнә бир қетимлиқ кичик типтики һәрбий тоқунуш икәнликини илгири сүрмәктә.

Пикирләр (0)
Share
Толуқ бәт