Süy tyenkey: “Biz ghelibe qilishimiz éniq bolmighan urushqa tewekkül qilmasliqimiz kérek”

Muxbirimiz erkin
2022-01-14
Share

Xitayning amérikada turushluq sabiq bash elchisi süy tyenkey, xitayning “Dyawyütey dölet méhmanxanisi” da yéqinda ötküzülgen bir yighinda nutuq sözlep, xitayning “Urushqaq böre” diplomatiyesini tenqid qilghan. U, achchiqlinishning xitay milliy menpe'etige paydiliq emeslikini éytqan. “Nikéy asiya” zhurnilining xewer qilishiche, süy tyenkey béyjing washin'gtonning xitayni kontrol qilishtiki istratégiyelik we etrapliq tedbirlirige taqabil turalmasliqi mümkinlikini bildürgen.

“Nikéy asiya” ning xewiride éytilishiche, süy tyenkey bu sözlerni ‍ötken yili 20-dékabir küni xitay tashqi ishlar ministirliqi qarmiqidiki “Xitay xelq'ara tetqiqat instituti” chaqirghan bir yighinda éytqan bolup, uning sözi xitayning siyasiy, diplomatiye chembirikide zor qiziqish qozghighan. U mundaq dégen: “Biz amérika-xitay arisidiki egri-toqayliq, hetta kelgüsidiki jiddi'iy burulushlarni bir terep qilishta kallimiz segek we toluq teyyarliqimiz bolushi kérek. Prinsip jehette teyyarliqimiz yoq, ghelibe qilishimiz éniq bolmighan bir urushqa tewekkül qilmasliqimiz, ghezep we xoritish urushi qilmasliqimiz kérek” dégen.

U yene “Xelqimiz érishken her bir misqal teste qolgha keldi. Biz özimizning perwasizliqimiz, horunluqimiz we iqtidarsizliqimiz tüpeyli bularning bulang-talang qilinishi yaki ziyan'gha uchrishigha yol qoymasliqimiz kérek” dégen. Xewerde éytilishiche, gerche uning nutuqining asasliq mezmuni amérikani tenqid qilishqa qaritilghan bolsimu, biraq uning sözige inchikilep qaralsa, xitayning bashqa hökümet emeldarliridin perqliq iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet