Хитай даирилириниң икки өлкидә далай ламаниң рәсимини есишқа йол қойғанлиқи хәвәр қилинмақта


2013-06-27
Share

Истансимиз тибәт бөлүминиң хәвәр қилишичә, мәзкур қарар рәсмий һүҗҗәт арқилиқ синақ тәриқисидә шу җайлардики бутханиларға тарқитилған болуп, униңда далай ламани сиясий бир даһий әмәс, бәлки диний даһий сүпитидә яд етишкә болидиғанлиқи тилға елинған икән. Райондики мәлум бир аһалиниң мухбирға ейтип беришичә, даириләр аммиға далай ламаниң рәсиминиң очуқ - ашкара есилишиға йол қоюлидиғанлиқини, әмма далай лама һәққидә муназирә қилишқа болмайдиғанлиқини уқтурған.

Гәрчә, юқиридики хәвәр техи хитай рәсмий даирилири тәрипидин дәлилләнмигән болсиму, әмма районға саяһәткә барған кишиләрму далай ламаниң рәсимлирини көргәнликини инкас қилишқан.

Бәзи тибәтлик көзәткүчиләр буни йеңи рәһбәр ши җинпиңниң тибәтләргә илгирикигә охшимайдиған бир сиясәт қоллинишни ойлишиватқанлиқиниң сигнали болуши мумкин, дәп қариған. Әмма йәнә бәзи көзәткүчиләр хитай даирилириниң техи йеқиндила тибәттә тәқип қилишни күчәйтидиған йеңи сестимиларни орунлаштурғанлиқини әскәрткән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт