»Дипломат «журнили: «әрдоған хитай билән наһайити чоң қимарға киришти»

Мухбиримиз әркин
2019-10-07
Елхәт
Пикир
Share
Принт

Америка ташқи сиясәт кеңишиниң муавин рәиси елан берман7‏-өктәбир күни «дипломат» журнилида мақалә елан қилип, түркийә президенти әрдоғанниң хитай билән наһайити чоң бир қимарға киришкәнлики, буниң түркийәни хитайниң орбетисиға техиму йеқинлаштуридиғанлиқини билдүргән.

Елан берман «әрдоғанниң хитай билән болған қимари» сәрләвһилик мақалисидә қәйт қилишичә, нөвәттә әрдоған өзиниң дөләт ичидики сиясий орниниң тәврәп қилиши, иқтисади кризис, NATO билән болғанS ‏-400типлиқ башқурулидиған бомба мәсилисидики ихтилапи, американиң-35 типлиқ уруш айропиланини сетип беришни тоңлитиши, явропа билән болған мунасивитиниң йириклишиши, қанун, демократийә, кишилик һоқуқ қатарлиқ мәсилиләрдики ихтилапи, сүрийә мәсилиси қатарлиқ амиллар уни хитайға, хитайниң «бир йол бир бәлвағ » қурулушиға йүзлинишкә мәҗбур қилмақта икән.

Мақалидә йеқиндин бери түркийәниң хитай билән болған иқтисади алақисиниң қоюқлашқанлиқи, хитайниң бу йил язда түркийәгә бир милярд доллар қәрз берип, униң миннәтдарлиқиға еришкәнлики шундақла хитайниң түркийә енергийә саһәсигә 3 милярд 600 милйон доллар қәрз берип, зиян ичидики бәзи түркийә банкилирини сетивелиш йолини ачқанлиқини билдүргән.

Елан берманниң илгири сүрүшичә, уларниң бу җәһәттики чоңқур һәмкарлиқ мунасивити сиясәттики чоң өзгиришини ипадиләйдикән. Елан берман түркийәниң техи йеқинқи вақитларға қәдәр хитай пулиниң зиянлиқ тәрәплиригә һошярлиқ билән муамилә қилип кәлгән болсиму, лекин униң һазир хитайға йөлинишниң пайдисини тәқиб қилишқа башлиғанлиқини билдүргән. Апторниң қаришичә, әнқәрәниң малийәси әрдоғанниң шуан ташқи сиясәт нишанини әмәлгә ашурушқа йетишмәйдикән. Шуңа у өзиниң һакимийәттә қелиши үчүн қанчилик бәдәл төлисә төлисун, бейҗиңниң қәрз пулини елиш қарариға кәлгән. Аптор мақалисиниң ахирида «буниң ақивити түркийәниң ғәрбтин техиму йирақлишишни, бейҗиңниң орбетисиға техиму ичкириләп киришини кәлтүрүп чиқириду,» дәп тәкитлигән.

Пикирләр (0)
Share
Толуқ бәт