Д у қ мәҗбурий әмгәкни тохтитиш һәққидә баянат елан қилди

Мухбиримиз әзиз
2020-04-01
Елхәт
Пикир
Share
Принт

Хитай һөкүмитиниң уйғур диярида мәҗбурий әмгәкни давам қилдуруватқанлиқи һәққидә көплигән мәлуматлар оттуриға чиққандин буян явропа вә америкадики һәрқайси саһәниң күчлүк тәнқидлиригә дуч кәлди.

Дуня уйғур қурултийи (д у қ) му 1-апрел күни мәхсус баянат елан қилип, «хитай һөкүмити уйғур тутқунларни мәҗбурий әмгәккә селиш қилмишини тохтитиши лазим,» дәп көрсәтти.

Баянатта хитайниң һәммила йерини вирус қаплап кәткән әһвалда лагер тутқунлириниң хитай өлкилиригә йөткиливатқанлиқи, уйғур яшлириниң «ешинча әмгәк күчи» дегән намда хитай өлкилиридики вирус мәркәзлиридин йирақ болмиған завутларға ишләшкә орунлаштурулуши қатарлиқлар әйиблинип, америка һөкүмити музакирә қиливатқан «уйғурларни мәҗбурий әмгәккә селишни чәкләш қанун лайиһиси» ниң дәл мушу һадисигә қарита оттуриға чиққанлиқи көрситилди.

Д у қ ниң рәиси долқун әйса бу һәқтә тохтилип «шәрқий түркистандики уйғурлар хитай һөкүмитиниң нәзиридә ат-ешәкниң орнида сетилмақта. Әмди бу һаләткә хатимә беришниң пәйти кәлди,» дәйду.

Баянатниң ахирида хитай һөкүмитигә хитаб қилиш билән биргә дуняви ширкәтләр уйғурларни езиш бәдилигә пүткән мәһсулатларни сетивалмаслиққа, һәрқайси һөкүмәтләр уйғурларни мәҗбурий әмгәккә селиш қилмишиға шерик болуп қалмаслиққа чақирилди.

Пикирләр (0)
Share
Толуқ бәт