Erkin tunyaz: “Shi jinpingning yolyoruqlirini dawamliq we qet'iy tewrenmey ijra qilimiz”

Washin'gtondin muxbirimiz uyghar teyyarlidi
2024.05.22

“Shinjang géziti” ning 2024-yili 5-ayning 21-kündiki xewirige asaslan'ghanda xitay dölet ishliri kabinéti uchur ishxanisi béyjingda “Yuqiri süpetlik tereqqiyatni ilgiri sürüsh” témisida bir yürüsh axbarat élan qilish yighini achqan. Mezkur yighinda Uyghur aptonom rayonining re'isi erkin tuniyaz Uyghur aptonom rayonning “Alemshumul tereqqiyat” ti we kelgüsi pilani toghruluq doklat bergen we muxbirlarning so'allirigha jawab bergen.

Erkin tunyaz Uyghur rayonining omumiy ijtima'iy weziyitining dawamliq muqim ikenlikini we jungxu'a milliti éngining kishilerning qelbide chongqur yiltiz tartqanliqini alahide tilgha élip mundaq dégen: “Shi jinpingning yolyoruqlirini dawamliq we qet'iy tewrenmey ijra qilimiz, partiyening yéngi dewrdiki shinjangni bashqurush istratégiyesini toluq, toghra we etrapliq yolgha qoyup, muqimliqni téximu ilgiri sürimiz. Milliy ittipaqliqni we wetenning birlikini qet'iy qoghdap, shinjangni énérgiye we ashliq bazisi qilip qurup chiqimiz” .

 Erkin tunyazning “Uyghur rayonning muqimliqi we uzun mezgillik eminlikige kapaletlik qilishni we shi jinpingning yolyoruqlirini dawamliq we qet'iy tewrenmey ijra qilish” ni tekitlishi, Uyghur diyaridiki siyasiy kontrolluqning bundin kéyinmu dawam qilidighanliqi, belki téximu qattiq we jiddiy türde ijra qilinidighanliqining béshariti dep qaralmaqta.

 Xitay kompartiyesi merkiziy komitéti siyasiy biyurosi da'imiy komitétining ezasi, bash ministir li chyang 5-ayning 7-künidin 9-künigiche ürümchi shehiri, sanji tunggan aptonom oblasti, ishlepchiqirish qurulushi armiyesi 6-diwiziyesining wujyachü shehirige bérip tekshürüp ilip barghanidi. Umu ziyaritide rayon bixeterlikining xitay dölet bixeterliki we iqtisadiy tereqqiyatidiki ornining muhimliqini körsitip rayonning muqimliqi we uzun mezgillik eminlikige kapaletlik qilish kéreklikini alahide tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.