Ички моңғул шилинғул яйлиқидики моңғуллар от апитидә көйүп өлгән чарвилири үчүн төләм төләшни тәләп қилди

Мухбиримиз меһрибан
2016-04-26
Share


Ички моңғолниң шилинғул яйлиқида алдинқи күни йүз бәргән от апитидә моңғул чарвичилириниң қой, калилири көйүп өлгән. Хитай һөкүмәт таратқулири 18 - април йүз бәргән от апитиниң моңғолийә дөлити тәрәптин кәлгәнликини вә 22 - април сәһәрдә өчүрүвелинған от апитидә һечқандақ адәм вә мал мүлүк зиянға учримиғанлиқини билдүргән. Әмма моңғул чарвичилар от апитиниң хитайниң чегра сақчилири әхләт көйдүргәнлики сәвәбидин йүз бәргәнликини билдүрүп, көйүп өлгән чарвилири үчүн төләм тәләп қилмақта.

Радийомиз игилигән әһваллардин мәлум болушичә, 23 - апрелдин 25 - априлғичә 200 дин артуқ моңғул чарвичи һөкүмәт бинаси алдиға йиғилип наразилиқ билдүргән вә көйүп кәткән чарвилири үчүн төләм тәләп қилған.

26 - Април сәйшәнбә күни радийомиз зияритини қобул қилған бир моңғул чарвичи әһвални баян қилип: " әмәлийәттә нурғунлиған чарвичилар от апитигә чегра қисимлириниң сәвәбчи икәнликини билиду. Һөкүмәт отниң моңғулийә тәрәптин туташқанлиқини хәвәр қилди. Әмма кейин моңғулийә тәрәп буни инкар қилди. Нурғун чарвичилар отниң чегра қаравуллири әхләтләрни бир тәрәп қилған чеғида йүз бәргәнликини билиду. Бизниң чарвилиримиз көйүп кәтти, яриланғанларму бар. Һөкүмәт тәрәп әһвални тәкшүридиғанлиқини билдүргән иди, әмма һазирғичә бизгә җаваб бәрмиди. Шуңа биз түнүгүн вә алдинқи күнлири наразилиқ билдүрдуқ. Аңлисақ түнүгүн улар йиғин ечипту, қандақ қарар алди, һазир биз һечнимә билмәймиз" деди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт