Вилсон мәркизи совет иттипақиниң 1934-йили генерал мәһмут муһити һәққидә чиқарған бир мәхпий һөҗҗитини ашкарилиған

Мухбиримиз қутлан
2016-11-06
Share

Сабиқ совет иттипақи компартийәси сиясий бюроси 1930-йилларда уйғур елиниң сиясий тәқдиригә мунасивәтлик бир йүрүш мәхпий қарарларни чиқарған болуп, өз дәвридә “мутләқ мәхпий” дәп һесабланған бу һөҗҗәтләрниң бир қисми йеқинда вилсон мәркизи тәрипидин ашкариланған.

Мәзкур мәхпий һөҗҗәтләр ичидә совет иттипақи компартийәси сиясий бюросиниң 1934-йили 4-април күни генерал мәһмут муһити үстидин чиқарған бир парчә мәхпий һөҗҗити алаһидә диққәт қозғайду.

Мәзкур һөҗҗәттин мәлум болушичә, совет иттипақи тәрәп шең шисәйгә буйруқ чүшүрүп генерал мәһмут муһитиниң өз әскәрлирини башлап қәшқәргә берип орунлишишини һәмдә үрүмчи һөкүмитиниң униңға дүшмәнлик позитсийәсидә болмайдиғанлиқини чүшәндүрүп қайил қилишини тәләп қилған.

Һөҗҗәттә йәнә генерал мәһмут муһити навада үрүмчи һөкүмитигә қарши һәрбий һәрикәт қозғаш нийитидә болуп қалса, рус генераллиридин фриновиский билән уритскийниң генерал мәһмут муһити қоманданлиқидики миллий әскәрләр 6-дивизийәсигә қайтурма һуҗум қозғап, уларни үзил-кесил тармар қилиш һәққидә алдинала һәрбий пилан түзүп қойиши тәләп қилинған.

Тарих тәтқиқатчилири билән сиясий анализчилар, совет иттипақиниң бу мәхпий һөҗҗити генерал мәһмут муһити қоманданлиқидики миллий әскәрләр 6-дивизийәсиниң 1930-йилларда қәшқәрдә елип барған һәрбий һәрикәтлирини тәтқиқ қилишта муһим қиммәткә игә, дәп қаримақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт