Мәшһур бокс шаһи муһәммәд әли 74 йешида аләмдин өтти

Мухбиримиз җүмә
2016-06-05
Share

Америкилиқ мәшһур бокс шаһи муһәммәд әли 3 - июн 74 йешида аләмдин өтти. Униң аилә баянатчисиниң ахбаратқа билдүрүшичә, муһәммәд әли йеқиндин буян нәпәс йоллири кесәллики билән аризонадики бир дохтурханида давалиивтқан болуп, у шу җәрянда җан үзгән.

Муһәммәд әли 1942 - йили 17 - январ кентакий штатида туғулған. Униң туғулғанда қоюлған исми касюс кләй болуп у, 1964 - йили майда ислам динини қобул қилғанлиқини вә исмини муһәммәт әли гә өзгәрткәнликини җакарлиған.

Муһәммәт әли вапат болғандин кейин дуня рәһбәрлири тәзийәнамиләрни елан қилди.

Бу мунасивәт билән шәнбә күни баянат елан қилған америка президенти барак обама муһәммәд әлини"қисқа муддәт болсиму көрүш вә билиш пурсити бәргән худаға һәмдусана ейтидиғанлиқи" ни билдүрди.

Обама йәнә муһәммәд әлиниң америка башқа җайлардики қара тәнликләр һоқуқи күрәшчилири билән бир сәптә турғанлиқи, бу җәйранда"әң қейин шараитлардиму, ялғуз қалсиму тәврәнмигәнлики" ни көрситип" у биз үчүн күрәш қилған иди"деди.

Муһәммәд әли, 1964 - йилидин 1966 - арисида уда уч қетим дуня чемпийони болған.

У 1967 - йили вийетнам уруши үчүн әскәрлик мәҗбурийитини өтәшкә чақирилған босиму, әмма урушқа қарши туридиғанлиқини билдүрүп, әскәр болуштин баш тартқан. Кейин у сотқа тартилған, америка алий соти униңға артилған әйибләшләрни ағдуриду.

Ахбаратларда нәқил қилинишичә, шу йили бу һәқтә тохталған америка пуқралиқ һоқуқи һәрикити йетәкчиси мартен лутер киң муһәммәд әлиниң әйни чағда өз етиқади вә мәвқәси үчүн түрмигә киришкә һазирланғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт