Бәш нәпәр уйғур өсмүр хитай дөләтлик “15 яшлиқлар” путбол командисиға талланған

Уйғур аптоном райониниң қәшқәр, ғулҗа, үрүмчи вә башқа районлиридики уйғур яш - өсмүрлири арисидики путболға болған алаһидә қизиқиш шуниңдәк уйғур өсмүрләр командилириниң хитай мәмликәтлик мусабиқиләрдә нәтиҗиләргә еришиши йиллардин буян диққәт қозғап келиватқан әһвал иди.

Әң йеңи учурлардин мәлум болушичә, йеқида хитай дөләтлик 15 яшлиқ өсмүрләр командиси өз сепигә бәш нәпәр уйғур өсмүр путболчини таллап қобул қилған.

Бағдаш торидики бу һәқтики учурлардин вә мәзкур 15 яшлиқлар талланма командиниң тизимликидин қариғанда,мәзкур команда 30 - июлдин 7 - авғустқичә хоңкоң вә макавда өткүзүлидиған 6 - нөвәтлик яш өсмүрләр мусабиқисигә қатнишидиған болуп, мәзкур бәш уйғур өсмүр пулболчини өз ичигә алған 30 әтрапида талланған маһир мәркәзлик мәшиқ башлиған.

Мәлум болушичә, йәнә бир қанчә нәпәр уйғур яш путболчи хитайниң дөләтлик командилири тәркибидә мусабиқиләргә қатнашмақта, бәзилири бразилйә вә башқа дөләтләрдә мәшиқ қилишқа әвәтилгән икән.

Уйғур тор бәтлиридә мәзкур бәш уйғур өсмүрниң бирақла хитай дөләтлик 15 яшлиқлар командисиға мәшиқ қилиш үчүн таллинишиға қарита тордашларниң күчлүк қизиқиш, пәхирлиниш вә һаяҗанлиқ инкаслириқозғалған, шуниңдәк хели узун тарихи мусапини бәсип өткән уйғурларниң путбол һәрикитини техиму күчәйтиш пикирлири оттуриға чүшкән.