Da'iriler Uyghur rayonida atalmish “Qosh tilliq sotchilar” ni köpeytmekchi

Nöwette da'iriler Uyghur rayonida atalmish “Qosh tilliq sotchilar” ni köpeytish pilanini otturigha qoyghan.

Xitay “Yershari waqit géziti” ning 30 - may xewer qilishiche, Uyghur élide 2020 - yilighiche 1 ming 500 neper “Qosh tilliq sotchi” terbiyilep chiqilidiken.

Xewerde bularning hazir wezipe ötewatqan sotchilarni “Qosh tilliq” qilip terbiyileshni körsitidighanliqi, yaki yéngi seplinidighan sotchilarni körsitidighanliqi tepsiliy bayan qilinmighan.

Xewerge qarighanda, bu atalmish “Qosh tilliq sotchilar” xitay tili we öz tilida rawan bolushi kérek iken.

Xewerde neqil qilishiche, xitay aliy soti siyasiy bölümining re'isi shu jyashin “Qosh tilliq sotchilar” ni yétishtürüshtiki meqsetning “Rayondiki milletler ittipaqliqini ilgiri sürüsh” ikenlikini bildürgen.

Kishilik hoquq teshkilatlirining melumatlirigha qarighanda, Uyghur élidiki sotlar, bolupmu Uyghur siyasiy mehbuslarning sotliri yuqiri derijide siyasiylashturilidighan bolup, sot meyli qaysi tilda échilmisun, bu sotlarda adettiki sot tertipigimu hörmet qilinmaydiken.