Уйғур елидики бир ширкәтниң балилар сүт парашукида мәсилә барлиқи ашкариланған

Мухбиримиз әркин
2017-12-01
Елхәт
Пикир
Share
Принт

Уйғур аптоном районидики «шиму сүт мәһсулатлири чәклик һәссидарлиқ ширкити» ниң балилар сүт парашукида вақти өткән хам маддиларни арилаштурғанлиқи байқалған.

Тәйвән ахбарат васитилириниң хәвәр қилишичә, хитай дөләтлик дора вә йемәклик тәкшүрүш идариси йеқинда тәкшүрүш елип берип, мәзкур ширкәтниң балилар сүт парашукиға қошулидиған витамин қатарлиқ хам маддиларниң вақти өтүп кәткәнликини байқиған. Хәвәрдә, бу хил балилар сүт парашукидин 18миң қута байқалғанлиқини билдүргән.

Хәвәрдә қәйт қилишичә, һәммидин диққәт қозғайдиған йери хитай дөләтлик дора-йемәкликләр тәкшүрүш идариси техи йеқиндила мәзкур ширкәт ишләпчиқарған 3 хил балилар сүт парашукини тәстиқлиған икән. Хәвәрдә, даириләрниң бу йил 12‏-ноябир бу ширкәт ишләпчиқарған «шийө», «йинәй», «миңшиң» қатарлиқ 3 хил мәһсулатни тәстиқлиғанлиқи, бу мәһсулатларға истемал вақти 2018‏-йили 4‏- айда тошиду, дәп йезилғанлиқини билдүргән. Лекин даириләр мәзкур ширкәтниң қанчилик сүт парашукиға вақти өткән мадда қошулғанлиқини ашкарилимиған. Хәвәрдә буниң 18 миң қута сүт парашуки билән чәклинидиғанлиқи яки техиму көп сүт мәһсулатлириға четилидиғанлиқи мәлум әмәс, дейилгән.

Хәвәрдә қәйт қилишичә, даириләр тәкшүрүш арқилиқ «йийө» балилар сүт парашукиға қошулидиған озуқлуқ күчәйтиш маддисиниң вақти 3 ай өтүп кетипла қалмай, нөлдин төвән 10 градус тепературида сақлинидиған бу маддиниң даим иссиқ йәрдә сақланғанлиқини байқиған. Хәвәрдә йәнә «шиму сүт мәһсулатлири чәклик һәдссидарлиқ ширкити» ниң башқа хам әшяларни тәйярлаш, сақлаш усулиниң қаидигә хилап икәнлики билдүрүлгән.

Пикирләр (0)
Share
Толуқ бәт