"әл-қаидә" тәшкилати талибанларни тәбрикләп баянат елан қилған

Һиндистанниң "басма" (The Print) ториниң 1-синтәбир бәргән хәвиригә қариғанда, "әл-қаидә" тәшкилати талибанларниң афғанистанда һакимийәт бешиға кәлгәнликини тәбрикләп баянат елан қилған. Әл-қаидә тәшкилатниң бу баянатида дуняниң һәрқайси җайлиридики зулумға учраватқан мусулманларни бир-бирләп саниған болсиму, әмма уйғурлар тилға елинмиған.

Хәвәрдә мундақ дейилгән: "‹әл қаидә' тәшкилати өзиниң тор бетидә елан қилған баянатида кәшмир, пәләстин вә африқадики мусулманларни ‹ислам дүшмәнлири' ниң чаңгилидин қутулдурушқа чақириқ қилған. Әмма шәрқий түркистан яки хитайдики шинҗаңда йүз бериватқан кишилик һоқуқ дәпсәндичиликини тилға алмиған."

Мәлум болушичә, талибан күчлири кабулни ишғал қилғандин кейин, талибанларниң йоқри дәриҗилик вәкиллири кабулдики хитай әлчиханиси билән көрүшкән. Хитай һөкүмити буниңдин 20 йил аввал "шәрқий түркистан ислам һәрикити" тәшкилатини террорлуққа бағлашта, уларниң талибан вә "әл-қаидә" тәшкилати билән болған алақисини сәвәб қилип көрсәткән иди. Һалбуки, хитай даирилириниң илгири өзлириниң һөкүмәт таратқулирида "терорлуқ тәшкилати" дәп қарилиған талибанлар билән бүгүнки күндә "достлуқ орнитиши" хәлқара җамаәтчиликниң күчлүк диққитини қозғимақта.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар