Тайланд даирилири баңкок партлаш вәқәсини адәм бедиклири пәйда қилған деди

Мухбиримиз меһрибан
2015-09-15
Share

Тайландтики партлаш вәқәсигә мәсул әмәлдар 15-сентәбир сәйшәнбә баянат берип, "баңкоктики партлаш вәқәси, уйғурларниң тайланд чеграсидин башқа дөләтләргә кетишигә ярдәмләшкән адәм бедиклириниң өч елиш һәрикити" икәнликини билдүрди. Тайланд сақчи тәрәп бу һәқтә изаһат берип, "адәм бедиклири уйғурларни бир дөләттин йәнә бир дөләткә оғрилиқчә өткүзди, тайланд һөкүмити уларниң бу содисини гумран қилди яки униңға тосалғу болди " дегән.

Германийә авазиниң 15-сентәбирдики хәвиридә баян қилинишичә, тайланд сақчи тәрәпниң баянатчиси правут баянат берип, 17‏-авғуст баңкок партлаш вәқәсиниң пиланлиғучиси "ишан" ләқәмлик абдурахман абдусаттарниң вәқәдин кейин, түркийәгә кәткән болуши мумкинликини вә түркийә әлчиханисиға бу мәлуматниң йолланғанлиқини билдүргән. Әмма ройтерс агентлиқиниң зияритини қобул қилған түркийәниң бир юқири дәриҗилик әмәлдари бу еһтималлиқни инкар қилип, "гумандарниң түркийәгә киргәнлики һәққидә учур йоқлуқи, тайланд һөкүмитидин террор гумандариниң түркийәдә икәнлики һәққидики уқтурушниму тапшуруп алмиғанлиқи"ни билдүрди.

17-Авғуст баңкокта 20 адәмниң өлүшигә сәвәб болған партлаш вәқәси һәққидә тайланд даирилириниң һәр хил пәрәзләрни оттуриға қоюши, хәлқараниң диққитини қозғиған. Чәтәлләрдики уйғур тәшкилатлиридин дуня уйғур қурултийиму бу һәқтә баянат берип, тайланд даирилирини пакитни ениқ оттуриға қоюшқа, һәр хил пәрәзләрни халиғанчә елан қилмаслиққа чақирған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт