Хитай һөкүмитиниң аталмиш «теббий ғәмхорлуқи» гуман қозғимақта

Мухбиримиз әзиз
2019-07-18
Елхәт
Пикир
Share
Принт

Йиллардин буян уйғурлар дияридики һәммила кишигә мәлум болған «дохтурханида қақ-сәнәм болуп кетиш» дегән аталғу дохтурханилардики ғайәт зор давалиниш һәққи вә алдин тапшурулидиған давалиниш закаләт пулини көрситип келиватқанлиқи мәлум. Йеқинда хитай һөкүмити буни өзгәртидиғанлиқини елан қилған.

«Тәңритағ тори» ниң 18-июлдики хәвиридә ейтилишичә, байинғолин областида «аввал давалиниш, андин пул тапшуруш» чариси синақ қилинғандин буян 118 миң адәм қетим буниңдин бәһримән болған. Шундақла һөкүмәт хизмәтчилириниң давалиниш һәққи рәсмийәтлирини хизмәт орунлирида атчот қилип болғандин кейин, давалиниш һәққини тапшурушиму йолға қоюлған.

Хитай һөкүмитиниң бу һални «хәлқ аммисиға ғәмхорлуқ қилиш» шәклидә тәшвиқ қиливатқанлиқиға қарита бир қисим анализчилар буни хитайғила хас «пул тапшурмиған адәмни давалимаслиқ» дегәндәк теббий әхлақ өлчимини хитайниң тунҗи қетим етирап қилиши, дәп көрсәтти. Йәнә бәзиләр болса: «һазир уйғурниң мутләқ көп қисми лагерға елип кетилгәнликтин, уларниң орниға ичкиридин йөткиливатқан хитай аққунлирини техиму хатирҗәм қилиш чариси» дәп қарайдиғанлиқини билдүрди.

Пикирләр (0)
Share
Толуқ бәт