ئامېرىكىنىڭ دېموكراتىيە ۋە كىشىلىك ھوقۇق مىنىستىر ياردەمچىسى چەتئەللەردىكى سەرگەردان تىبەتلەر رايونىدا زىيارەتتە بولدى

مۇخبىرىمىز مېھرىبان
2014-11-11
Share

ئامېرىكا دۆلەت ئىشلىرى مىنىستىرلىقىنىڭ دېموكراتىيە ۋە كىشىلىك ھوقۇق مىنىستىر ياردەمچىسى، تىبەت مەسىلىلىرى ئالاھىدە خادىمى ساراخ سېۋالل، 9-نويابىر كۈنى ھىندىستان ۋە نېپالدىكى تىبەت مۇساپىرلار رايونىدىكى بىر ھەپتىلىك زىيارىتىنى باشلىدى.

رادىئومىز تىبەت بۆلۈمىنىڭ خەۋىرىدىن مەلۇم بولۇشىچە، تىبەت مەسىلىلىرى ئالاھىدە خادىمى ساراخ سېۋاللنىڭ تىبەت مۇساپىرلار رايونىدىكى زىيارىتى 9-نويابىردىن 16-نويابىرغا قەدەر داۋاملىشىدىغان بولۇپ، ئۇ زىيارىتىدە يەنە، دارامسالاغىمۇ بېرىپ، تىبەت سەرگەردان ھۆكۈمىتى رەھبەرلىرى بىلەنمۇ كۆرۈشىدىكەن.

خەۋەردە يەنە، ساراخ سېۋاللنىڭ ئالدىنقى 4 كۈندە نېپالدىكى تىبەت مۇساپىرلار رايونىدا زىيارەتتە بولغانلىقى ۋە نېپال ھۆكۈمىتىنىڭ تىبەت مۇساپىرلىرى ئۈچۈن بەرگەن ئىنسانپەرۋەرلىك ياردىمىنى مەدھىيىلىگەنلىكى تىلغا ئېلىنغان. ھالبۇكى چەتئەللەردىكى تىبەت تەشكىلاتلىرىنىڭ بىلدۈرۈشىچە، يېقىنقى بىرقانچە يىلدىن بۇيان نېپال ھۆكۈمىتى خىتايغا ياخشىچاق بولۇش ئۈچۈن، نېپالدىكى تىبەت ئاكتىپلىرىنىڭ پائالىيەتلىرىگە چەكلىمە قويۇش ھەرىكەتلىرىدىمۇ بولغان. نېپال دائىرىلىرىنىڭ بۇ قىلمىشلىرى تىبەت تەشكىلاتلىرى ۋە پائالىيەتچىلىرىنىڭ ئەيىبلىشىگە ئۇچرىغان.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت