Америкиниң демократийә вә кишилик һоқуқ министир ярдәмчиси чәтәлләрдики сәргәрдан тибәтләр районида зиярәттә болди

Америка дөләт ишлири министирлиқиниң демократийә вә кишилик һоқуқ министир ярдәмчиси, тибәт мәсилилири алаһидә хадими сарах севалл, 9-ноябир күни һиндистан вә непалдики тибәт мусапирлар районидики бир һәптилик зияритини башлиди.

Радиомиз тибәт бөлүминиң хәвиридин мәлум болушичә, тибәт мәсилилири алаһидә хадими сарах севаллниң тибәт мусапирлар районидики зиярити 9-ноябирдин 16-ноябирға қәдәр давамлишидиған болуп, у зияритидә йәнә, дарамсалағиму берип, тибәт сәргәрдан һөкүмити рәһбәрлири биләнму көрүшидикән.

Хәвәрдә йәнә, сарах севаллниң алдинқи 4 күндә непалдики тибәт мусапирлар районида зиярәттә болғанлиқи вә непал һөкүмитиниң тибәт мусапирлири үчүн бәргән инсанпәрвәрлик ярдимини мәдһийилигәнлики тилға елинған. Һалбуки чәтәлләрдики тибәт тәшкилатлириниң билдүрүшичә, йеқинқи бирқанчә йилдин буян непал һөкүмити хитайға яхшичақ болуш үчүн, непалдики тибәт актиплириниң паалийәтлиригә чәклимә қоюш һәрикәтлиридиму болған. Непал даирилириниң бу қилмишлири тибәт тәшкилатлири вә паалийәтчилириниң әйиблишигә учриған.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар