Тарим нефитлики хитай өлкилиригә йәккә күндә газ йәткүзүш бойичә йеңи рекорт яратқанлиқини елан қилған

Мухбиримиз қутлан
2015-04-06
Елхәт
Пикир
Share
Принт

Җуңго уйғурчә радио ториниң хәвиригә қариғанда, өткән йили 11-айдин буян, тарим нефитлики хитай өлкилиригә 8 милярд 890 милйон купметир газ йәткүзгән.

Бу өткән йилиниң охшаш мәзгилидикидин 26% көп болуп, буниң ичидә йәккә күндә әң көп йәткүзүш миқдари 75 милйон 460 миң купметирға йетип, ичкиригә газ йөткәштә йеңи рекорт яритилған икән.

Мәлум болушичә, хитайдики әң чоң тәбиий газ ишләпчиқириш базиси болған тарим нефитлики хитайниң 15 өлкисидики 120 нәччә шәһәрниң санаәт вә аһалилирини газ билән тәминләйдикән.

Йеқинқи бирқанчә йилдин буян тарим нефитлики хитай өлкилириниң тәбиий газға болған җиддий еһтияҗини қандуруш үчүн бир қатар дәриҗидин ташқири чоңқур қудуқларни қазған. Йүз милярд күп метирлиқ алтә орундики газ записини кәйни-кәйнидин ачқан. Тарим ойманлиқидики қарасу нефитликиниң өзила хитай өлкилирини бир тирилйон купметирлиқ тәбиий газ билән тәминләйдикән.

Көзәткүчиләр вә хәлқарадики мустәқил анализчилар хитай һөкүмитиниң йеқинқи йиллардин буян уйғур елидики тәбиий байлиқларни қезиш вә хитай өлкилиригә тошуп кетиш сүритиниң дәриҗидин ташқири тезләшкәнликини илгири сүрмәктә.

Пикирләр (0)
Share
Толуқ бәт