Turpanda 353 kishi jiddiy karantin qilinmaqta

2020-12-15
Share

Xitaydiki tajisiman wirusining wehimisi hélihem dawam qiliwatqan bolup, buning Uyghur diyarida téxiche zor kölemlik karantin'gha seweb boluwatqanliqi diqqet qozghidi.

"Xitay xewerliri" torining 15-dékabirdiki xewiride éytilishiche, turpan sheherlik hökümet nöwette 353 neper kishining tajisiman wirusi gumani bilen karantin qiliniwatqanliqini alahide xewer qilghan. Xewerde bu kishilerning bir kishilik ayrim öylerge orunlashturulghanliqi, öylerning shara'iti yaxshi bolup, tor we téléwiziye seplen'genliki, shuningdek her bir kishining kündilik tamaq ölchimining 150 som (texminen 23 amérika dolliri) boluwatqanliqi alahide tekitlen'gen.

Xitay hökümitining wirus mesiliside izchil yalghan sözlewatqanliqini eskertken bir qisim analizchilar nöwettiki wirus yuqumi heqqide bérilgen bu xewerdimu köpligen gumanliq nuqtilarning barliqini, yene kélip turpandiki yuqum ehwalining emeliyette buningdinmu éghir bolushi mumkinlikini tekitlidi. Yene beziler bolsa ilgiriki waqitlar karantin qilin'ghan Uyghurlar heqqide ijtima'iy taratqularda tarqalghan sin körünüshliride Uyghurlarning tolimu nachar shara'itta karantin qilin'ghanliqini, emdi bu kishilerning alahide kütüshke muyesser boluwatqanliqini sélishturup: "Bu kishiler xitay hökümitining köchmen yötkesh chaqiriqigha awaz qoshup ichkiridin kelgen xitay aqqunliri bolushi mumkin," déyishmekte iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet