Уйғур елида интернетта өсәк сөз тарқатқанларға 500 миң сом җәриманә қоюлидикән

Мухбиримиз ирадә
2016-12-08
Share

Уйғур ели даирилири интернетта өсәк сөз тарқатқанларни 500 миң сом җәриманә билән җазалайдиғанлиқини уқтурған.

Ройтерс агентлиқиниң хәвәр қилишичә, уйғур ели даирилири бундин кейин интернет торида дөләт бихәтәрликигә тәһдит пәйда қилидиған, милләтләр ара өчмәнлик вә бөлгүнчиликкә йол ачидиған вә сотсиялистик түзүмни ағдуруп ташлаш мәқсәт қилинған мәзмунларни йоллиған, тарқатқан, көчүрүп тарқатқанларға 500 миң сом җәриманә қойидикән.

Мәзкур хәвәр хитайниң күндилик гезитидә елан қилинған болуп, униңда йәнә, бу хил учурларниң тарқилишиға шараит һазирлап бәргән тор бәтләрниңму 50 миң сом билән җазалинидиғанлиқи билдүрүлгән.

Мәлум болушичә, уйғур елидики муқимлиқни қоғдаш тәдбирлириниң бири қатарида елинған бу тәдбир алдимиздики шәнбә күни йәни 10-декабир күнидин башлап иҗра қилиниду. Уйғур ели даирилири бундин илгириму “интернетта қанунсиз диний материялларни, террорлуққа аит видийоларни көргән, тарқатқан” дегән җинайәтләр билән нурғун кишини җинайи җавабкарлиққа тартқан. Бу, хәлқара кишилик һоқуқ органлириниң күчлүк тәнқидигә учриған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт