Уйғур диярида йеқинқи 3 йил ичидә 16 миңдәк мәсчид чеқип ташланған вә бузғунчилиққа учриған

Мухбиримиз әркин
2020-09-25
Share

Австралийә истиратегийәлик сиясәт иниститути 25-сентәбир уйғурлар һәққидә йәнә доклат елан қилип, хитай даирилириниң уйғур диярида йеқинқи 3 йил ичидә 16 миңдәк мәсчидни чеқип ташлиғанлиқи вә бузғанлиқини билдүрди. Доклатта тәкитлишичә, 16 миңдәк мәсчид ичидә 8500 мәсчид пүтүнләй чеқип ташланған. Бу мәзкур иниститутниң йеқинқи 3 күн ичидә елан қилған уйғурлар һәққидики 2-доклати. Мәзкур иниститут 3 күн аввал уйғур дияридики лагерлар һәққидә доклат елан қилип, райондики 360 лагерни ениқлап чиққан. Улар сүний һәмра сүрәтлирини анализ қилип, райондики лагерларниң өткән бир йилда давамлиқ кеңәйгәнликини елан қилған иди.

Мәзкур органниң 25-сентәбир күни елан қилинған доклатида районда қәп қалған мәсчидләрниң 15, 500 гә йәтмәйдиғанлиқи, нурғун мәсчидләрниң қуббә вә мунарлириниң елип ташланғанлиқи илгири сүрүлгән. Доклатта йәнә райондики мазар, қәбристанлиқ, тавабгаһларни өз ичигә алған муқәддәс җайларниң 3 дин бириниң түзливетилгәнликини билдүргән. Мәзкур доклаттидики санлиқ мәлуматлар кишилик һоқуқ тәшкилатлириниң илгири елан қилған санлиқ мәлуматлириға йеқин келидкән.

Уйғур кишилик һоқуқ қурулуши өткән йили елан қилған бу һәқтики доклатида, райондики 10 миңдин 15 миңғичә болған мәсчид вә диний сорунларниң чеқип ташланғанлиқи яки бузғунчилиққа учриғанлиқини илгири сүргән. Австралийә истиратегийәлик сиясәт иниститутиниң доклатида тәкитлишичә, нөвәттә уйғур дияридики мусулман диний сорунлириниң сани хитайниң «мәдәнийәт инқилаби» дин буянқи әң төвән чәккә чүшүп қалған. Хитай ташқий ишлар министирлиқиниң баянатчиси ваң венбин техи еткән һәптә уйғур диярида 24 миң мәсчид барлиқини илгири сүргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.