Уйғур районида аһалиләр көп қетим "сағламлиқни тәкшүрүш" кә қатнашқан

Мухбиримиз җәвлан
2021-02-16
Share

"шинҗаң һөкүмәт тори" ниң 16-февралдики хәвиридә ейтилишичә, уйғур районида 2016-йилдин тартип аһалиләрни омумйүзлүк "сағламлиқни тәкшүрүш" тин өткүзүш хизмити башланған болуп, тәкшүрүшкә қатнашқанлар җәмий 87 милйон 473 адәм қетимға йәткән. Өткән йилқи тәкшүрүшкә қатнашқанлар 16 милйон 2311 адәм қетимға йәткән.

Хитай таратқулирида бу мәлуматлар хизмәт нәтиҗиси қилип көрситилгән болуп, "кесәлни вақтида байқаш, вақтида давалаш" үчүн аһалиләрниң саламәтлики қәрәллик тәкшүрүлүп туруватқанлиқи, бу тәкшүрүшләр үчүнла 6 милярд 751 милйон йүән сәрп қилинғанлиқи алаһидә тәшвиқ қилинған.

Анализчиларниң қаришичә, юқириқи санлиқ мәлуматлар хитайниң уйғур районида наһайити көп инсанни мәнбә орнида пайдиланғанлиқини көрситиду. Рошәнки, хитайниң бу районда "сағламлиқни қәрәллик тәкшүрүп" туруши һәргиз уйғурларниң сағламлиқиға көңүл бөлгәнликидин әмәс, бәлки сағламлиқ тәкшүрүши җәрянида уларниң қенини йиғиш, қан әвришкисини топлаш, DNA учурлирини сақлаш, орган әткәсчилики үчүн архип турғузуш, омумән уларни толуқ контрол қилишқа, бастурушқа вә зөрүр тепилғанда пайдилинишқа керәклик биологийәлик учур амбирини қуруш үчүндур. Хитайниң бу шум пилани һазир һечкимгә сир әмәс.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт