Xitayning sabiq bash ministiri wén jyabawning maqalisi xitay ijtima'iy taratqulirida cheklen'gen

Muxbirimiz erkin
2021-04-19
Share

Xitayning sabiq bash ministiri wén jyabawning "Makaw awan'garti" gézitide élan qilin'ghan maqalisini xitay ijtima'iy taratqulirida hembehirlesh cheklen'gen. Melum bolushiche, wén jyabaw anisining wapati munasiwiti bilen élan qilghan 4 qisimliq maqaliside xitayni adilliq, erkinlik we insaniy qedir-qimmetni hörmetleshke chaqirghan iken. Uning "Méning anam" mawzuluq maqalisi "Makaw awan'garti" gézitide 25-marttin 15-aprilghiche bolghan sanlirida 4 qisimgha bölünüp élan qilin'ghan.

Wén jyabawning maqalisi cheklinishtin burun xitay ijtima'iy taratqulirida yüz minglap hembehirlen'gen. Közetküchiler uning maqalisini sh jinpinggha qaritilghan yoshurun tenqid, dep qarighan. Uning maqaliside: "Men kembeghel we ajizlargha héssidashliq qilimen. Bozek qilish we zulumgha qarshi turimen…méning könglümde xitay adil we heqqaniy bir dölet bolushi kérek. Kishilerning ichkiy dunyasi, adimiyliki we tebi'iytige her waqit hörmette bolushi lazim," déyilgen.

Wén jyabawning maqalisining shi jinping diktaturluq, istibdatliq hökümranliqi qurup, xelq'ara tertipke tehdit sélish, shundaqla Uyghurlargha "Irqiy qirghinchiliq", "Insaniyetke qarshi jinayet" sadir qilish bilen eyiblinip, xelq'arada xitayni jawabkarliqqa tartish chaqiriqliri künséri ulghiyiwatqan bir mezgilde élan qilinishi diqqet qozghidi. "Wayis dunya xewerliri" ning bildürüshiche, xitayning ündidar munbiri bu maqale "Ündidar ammiwiy munbirining meshghulat qa'idisige xilapliq qilghanliqi üchün hembehirlesh cheklen'genliki" ni éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet