Windows 8.1 Meshghulat sistémisining Uyghurche til boliqi resmiy élan qilindi

Xitay hökümiti Uyghur tilini “Tereqqiyatqa mas kelmeydu” dégen bahaniler bilen cheklewatqan mezgilde, amérikidiki mikrosoft shirkiti Windows 8.1 Meshghulat sistémisi we dangliq ishxana aptomatlashturush programmisining Uyghurche til boliqini resmiy élan qildi.

Mikrosoft shirkiti 12-noyabir Uyghurche til boluqining yéngi nusxisini öz tor bétige chiqirip, dunyaning herqaysi jayliridiki kompyutér qollan'ghanlirigha sundi.

Mezkur til boliqi élan qilinip 3 kündin kéyin, Office 2013 yeni ishxana aptomatlashturush programmisining Uyghurche til boliqi sunuldi.

Melum bolushiche, Windows 8.1 Meshghulat sistémisining Uyghurche til boliqini ürümchidiki Uyghursoft shirkiti teminligen iken.

Mikrosoft shirkiti windows 8 meshghulat sistémisini tunji élan qilghanda, pütünley Uyghurche qollaydighan, we pütünley Uyghurche körünidighan qilip ishlep chiqqan. Bu Uyghur tilining tereqqiyatidiki muhim burulush nuqtilirining biri dep qaralghan.

Mikrosoft shirkiti Windows 8 ning yéngilan'ghan nusxisi-Windows 8.1 Ni téxi bu yil öktebirning axiri bazargha salghan.

Xitay hökümiti 2000-yillidin buyan “Uyghur tili tereqqiyatqa mas kelmeydu” dégen sepsetini kötürüp chiqip, Uyghur tilining ma'arip we hökümet sahesidiki ishlitilishini bara-bara taraytqan idi.