Xelq'ara kechürüm teshkilati xitay hökümitini Uyghurlargha qaratqan keng kölemlik tutqun herikitini ayaghlashturushqa chaqirdi

Muxbirimiz irade
2018-08-31
Élxet
Pikir
Share
Print

Bügün, yeni 30-awghust küni, xelq'ara kechürüm teshkilati bayanat élan qilip, xitay hökümitini Uyghurlargha qaratqan keng kölemlik tutqun herikitini ayaghlashturushqa chaqirdi.

Mezkur bayanatta b d t irqiy ayrimichiliqqa qarshi turush komitéti xitay heqqide élan qilghan xulase doklati tilgha élinip, "Xitay hökümiti emdi yüz bériwatqan éghir kishilik hoquq depsendichilikini inkar qilishning ornigha uni özgertishi kérek" déyilgen. 

30-Awghust küni b d t ning kishilik hoquq mutexessisliri xitayning irqiy ayrimichiliq weziyitige qarap chiqish yighinining xulasisini élan qilip, xitay hökümitining atalmish "Térrorluqqa qarshi turush", "Ashqunluqni tügitish" dégen namlarda bir milyondin artuq Uyghurni "Yépiq terbiye" lagérlirigha waqit chéki yoq qamiwalghanliqini bildürgen idi. 

Xelq'ara kechürüm teshkilati öz bayanatida mezkur teshkilatning sherqiy asiya ishlirigha mes'ul mu'awin diréktori lisa tassi xanimning sözige orun bergen bolup, lisa xanim sözide "B d t irqiy ayrimichiliqqa qarshi turush komitétining xulase doklati xitay hökümitining shinjang rayonida Uyghurlar we bashqa az sanliq milletlerge qarita sistémiliq teqib we keng kölemlik tutqun qilish herikiti yürgüzüp kelgenlikini yorutup berdi," dégen. 

Lisa xanim sözide xelq'ara jama'etke chaqiriq qilip, xitay hökümitini Uyghurlar we tibetlerge qaratqan bésim siyasetliri üchün jawabkarliqqa tartishqa chaqirghan.

Toluq bet